ಫೆಬ್ರವರಿಯಲ್ಲಿ ಜಿ ಎಸ್‌ ಟಿ ಸಂಗ್ರಹ 1.13 ಲಕ್ಷ ಕೋಟಿ ರೂ..!

ನವ ದೆಹಲಿ : ಫೆಬ್ರವರಿ ತಿಂಗಳಲ್ಲಿ ಸರಕು ಮತ್ತು ಸೇವಾ ತೆರಿಗೆ ಸಂಗ್ರಹವು 1,13,143 ಕೋಟಿ ರೂ ಎಂದು ದಾಖಲಾಗಿದೆ ಎಂದು ಸರ್ಕಾರ ಸೋಮವಾರ(ಮಾ.1) ಬಿಡುಗಡೆ ಮಾಡಿದ ಅಂಕಿ ಅಂಶಗಳು ತಿಳಿಸಿವೆ. ಇದರೊಂದಿಗೆ, ಮಾಸಿಕ ಸಂಗ್ರಹವು ಈಗ ಸತತ ಐದು ತಿಂಗಳು 1 ಲಕ್ಷ ಕೋಟಿ ರೂ. ಆಗಿದೆ.

ಆದಾಗ್ಯೂ, ಜನವರಿಯಲ್ಲಿ ದಾಖಲೆಯ ಮಾಪ್-ಅಪ್ 1.19 ಲಕ್ಷ ಕೋಟಿ ಮತ್ತು 2020 ರ ಡಿಸೆಂಬರ್‌ನಲ್ಲಿ 1.15 ಲಕ್ಷ ಕೋಟಿ ರೂ ಆಗಿತ್ತು.

ಫೆಬ್ರವರಿಯಲ್ಲಿ ನಡೆದ ಒಟ್ಟು ಸಂಗ್ರಹದಲ್ಲಿ 21,092 ಕೋಟಿ ರೂ. ಕೇಂದ್ರ ಜಿಎಸ್‌ಟಿಯಿಂದ ಬಂದಿದ್ದರೆ, 27,273 ಕೋಟಿ ರೂ. ರಾಜ್ಯ ಜಿಎಸ್‌ಟಿ ಘಟಕದಿಂದ ಬಂದಿದೆ.

ಓದಿ : ಉಳ್ಳಾಲ: ಮಹಿಳೆಯ ಸರ ಎಳೆದು ಪರಾರಿ; ಆರೋಪಿಯನ್ನು ವಶಕ್ಕೆ ಪಡೆದ ಪೊಲೀಸರು

ಸರ್ಕಾರದ ಅಂಕಿಅಂಶಗಳ ಪ್ರಕಾರ ಸಮಗ್ರ ಜಿಎಸ್‌ಟಿ ಸಂಗ್ರಹ 55,253 ಕೋಟಿ ರೂ. “ಕಳೆದ ಐದು ತಿಂಗಳುಗಳಲ್ಲಿ ಜಿ ಎಸ್ ಟಿ ಆದಾಯದಲ್ಲಿ ಚೇತರಿಕೆಯ ಪ್ರವೃತ್ತಿಗೆ ಅನುಗುಣವಾಗಿ, ಫೆಬ್ರವರಿ 2021 ರ ಆದಾಯವು ಕಳೆದ ವರ್ಷದ ಇದೇ ತಿಂಗಳಲ್ಲಿ ಜಿ ಎಸ್ ಟಿ ಆದಾಯಕ್ಕಿಂತ 7% ಹೆಚ್ಚಾಗಿದೆ” ಎಂದು ಹಣಕಾಸು ಸಚಿವಾಲಯವು ಪ್ರಕಟಣೆಯಲ್ಲಿ ತಿಳಿಸಿದೆ. ಕಳೆದ ಐದು ತಿಂಗಳಲ್ಲಿ ಸಂಗ್ರಹವು 1 ಲಕ್ಷ ಕೋಟಿ ರೂ.ಗಳನ್ನು ದಾಟಿದೆ ಎಂದು ಸೂಚಿಸಿದ ಸಚಿವಾಲಯ, ಇದು “ಆರ್ಥಿಕ ಚೇತರಿಕೆ ಮತ್ತು ಅನುಸರಣೆಯನ್ನು ಸುಧಾರಿಸಲು ತೆರಿಗೆ ಆಡಳಿತವು ಕೈಗೊಂಡ ವಿವಿಧ ಕ್ರಮಗಳ ಪರಿಣಾಮ” ದ ಸೂಚಕವಾಗಿದೆ ಎಂದು ಹೇಳಿದೆ.

ಸರಕು ಮತ್ತು ಸೇವಾ ತೆರಿಗೆ ಪರಿಹಾರದ ಕೊರತೆಯನ್ನು ಪೂರೈಸುವ ಸಲುವಾಗಿ ಶುಕ್ರವಾರ, ರಾಜ್ಯ ಸಚಿವಾಲಯವು 18 ನೇ ಸಾಪ್ತಾಹಿಕ ಕಂತು 4,000 ಕೋಟಿ ರೂ.ಗಳನ್ನು ರಾಜ್ಯಗಳಿಗೆ ಬಿಡುಗಡೆ ಮಾಡಿದೆ ಎಂದು ಹಣಕಾಸು ಸಚಿವಾಲಯ ಪ್ರಕಟಿಸಿದೆ. ಒಟ್ಟು ಅಂದಾಜು ಕೊರತೆಯ 94% ನಷ್ಟಿರುವ ಒಟ್ಟು 1.04 ಲಕ್ಷ ಕೋಟಿ ಮೌಲ್ಯದ ಪರಿಹಾರ ಕೊರತೆಯನ್ನು ಈಗ ರಾಜ್ಯಗಳು ಮತ್ತು ಕೇಂದ್ರ ಪ್ರದೇಶಗಳಿಗೆ ಪಾವತಿಸಲಾಗಿದೆ ಎಂದು ಕೇಂದ್ರ ತಿಳಿಸಿದೆ.

ಓದಿ : ಮಂಜನಾಡಿ: ವಿಷ್ಣುಮೂರ್ತಿ ಜನಾರ್ಧನ ದೇವಸ್ಥಾನದ ಕಾಣಿಕೆ ಹುಂಡಿಯಲ್ಲಿದ್ದ ನಗದು ದೋಚಿದ ಕಳ್ಳರು