GST; 100 ವಸ್ತುಗಳ ತೆರಿಗೆ ಪರಿಷ್ಕರಣೆಗೆ ಮಂಡಳಿ ನಿರ್ಧಾರ?

ಕೋಲ್ಕತಾ: ಜನ ಸಾಮಾನ್ಯರ ಮೇಲೆ ಹೊರೆ ತಗ್ಗಿಸುವುದಕ್ಕಾಗಿ ಸುಮಾರು 100 ವಸ್ತುಗಳ ಮೇಲಿನ ತೆರಿಗೆ ಪರಿಷ್ಕರಣೆ ಮಾಡಲು ಜಿಎಸ್‌ಟಿ ಮಂಡಳಿ ನಿರ್ಧರಿಸಿದೆ ಎನ್ನಲಾಗಿದೆ. ಇದಕ್ಕೆ ಸಂಬಂಧಿಸಿದಂತೆ ಮುಂದಿನ ತಿಂಗಳು ನಡೆಯುವ ಸಭೆಯಲ್ಲಿ ಅಂತಿಮ ನಿರ್ಧಾರ ಕೈಗೊಳ್ಳಲಾಗುವುದು ಎಂದು ಪಶ್ಚಿಮ ಬಂಗಾಲ ವಿತ್ತ ಸಚಿವ ಚಂದ್ರಿಮಾ ಭಟ್ಟಾ ಚಾರ್ಯ ಹೇಳಿದ್ದಾರೆ. ಶೇ.12 ಮತ್ತು ಶೇ.5ರಷ್ಟು ತೆರಿಗೆ ಸಂಗ್ರಹ ಮಾಡಲಾಗುತ್ತಿರುವ ವಸ್ತುಗಳ ಮೇಲೆ ತೆರಿಗೆಯನ್ನು ಕಡಿಮೆ ಮಾಡುವ ಚಿಂತನೆ ಇದೆ. ಅಲ್ಲದೇ ಶೇ.12 ಮತ್ತು 18ರ ಸ್ಲಾéಬ್‌ಗಳನ್ನು ವಿಲೀನ ಮಾಡಲು ನಿರ್ಧರಿಸಲಾಗಿದೆ ಎಂದರು. ಆಹಾರ ಪದಾರ್ಥಗಳ ತೆರಿಗೆ ಇಳಿಕೆಯಾಗಲಿದ್ದು, ಸೌಂದರ್ಯ ವರ್ಧಕಗಳ ಮೇಲಿನ ತೆರಿಗೆ ಮತ್ತೆ ಏರಿಕೆಯಾಗುವ ಸಾಧ್ಯತೆ ಇದೆ ಎನ್ನಲಾಗಿದೆ.