ಸಯಾನ್‌ ಜಿಎಸ್‌ಬಿ ಮೆಡಿಕಲ್‌ ಟ್ರಸ್ಟ್‌: ಹೆಲ್ತ್‌ ರಕ್ಷಕ್‌ಗೆ ಚಾಲನೆ

ಮುಂಬಯಿ: ಸಯಾನ್‌ ಪೂರ್ವದ ಶಿಲ್ಪಾ ಅಪಾರ್ಟ್‌ಮೆಂಟ್‌ನಲ್ಲಿರುವ  ಜಿಎಸ್‌ಬಿ ಮೆಡಿಕಲ್‌ ಟ್ರಸ್ಟ್‌ ವತಿಯಿಂದ ಹೆಲ್ತ್‌ ರಕ್ಷಕ್‌ ವಿಶೇಷ ಕೊಡುಗೆಯನ್ನು ಇತ್ತೀಚೆಗೆ ಉದ್ಘಾಟಿಸಲಾಯಿತು.

ಸಂಸ್ಥೆಯ ಈ ನೂತನ ಯೋಜನೆಯಿಂದ ಗ್ಯಾಸ್ಟೊÅà ಸ್ಕೋಪ್‌, ಕೊಲೊನೋ ಸ್ಕೋಪ್‌ ಇತ್ಯಾದಿಗಳನ್ನು ಹೆಲ್ತ್‌ ರಕ್ಷಕ್‌ ಯಂತ್ರದಿಂದ ಮಾಡಬಹುದು. ಡಾ| ಮುಕುಂದ್‌ ಮೆಹ್ತಾ ಅವರು ತಮ್ಮ ಮಾತಾಪಿತರಾದ ಶ್ರೀದೇವಿ ಮಹಾಲೆ ಮತ್ತು ಬಾಬುರಾವ್‌ ಮಹಾಲೆ ಅವರ ಸಂಸ್ಮರಣಾರ್ಥ ಈ ವಿನೂತನ, ಅತ್ಯಾಧುನಿಕ ವೈಜ್ಞಾನಿಕ ಯಂತ್ರವನ್ನು ಸಂಸ್ಥೆಗೆ ಪ್ರದಾನಿಸಿದರು. ಜಿಎಸ್‌ಬಿ ಮೆಡಿಕಲ್‌ ಟ್ರಸ್ಟ್‌ನ ಈ ಅತ್ಯಾಧುನಿಕ ಯಂತ್ರವನ್ನು ಹೊಂದಿರುವುದರಿಂದ ಸಮಾಜ ಬಾಂಧವರಿಗೆ ಬಹಳಷ್ಟು ಅನುಕೂಲವಾದಂತಾಗಿದೆ.

ಟ್ರಸ್ಟ್‌ನ ಕಾರ್ಯಾಧ್ಯಕ್ಷ ಡಾ| ಸುಹಾಸ್‌ ಪ್ರಭು ಅವರು ಸ್ವಾಗತಿಸಿ, ಅತಿಥಿಗಳನ್ನು ಗೌರವಿಸಿದರು. ಕಾರ್ಯಕ್ರಮದಲ್ಲಿ ಡಾ| ಕುಮುದಾ ಮೆಹ¤ ಮತ್ತು ಡಾ| ಪ್ರವೀಣ್‌ ಮೆಹ¤ ಅವರು ನೂತನ ಯಂತ್ರಕ್ಕೆ ಚಾಲನೆ ನೀಡಿ, ಭವಿಷ್ಯದಲ್ಲಿ ಸಮಾಜ ಬಾಂಧವರಿಗೆ ಇದು ಪ್ರಯೋಜನಕಾರಿಯಾಗಲಿದೆ ಎಂದು ನುಡಿದು ಶುಭ ಹಾರೈಸಿದರು.

ಮಹಾಲೆ ಕುಟುಂಬದ ಹಿರಿಯ ಸದಸ್ಯ ಡಾ| ವಿ. ವಿ. ಪ್ರಭು ಅವರು ಉಪಸ್ಥಿತರಿದ್ದು ಮಹಾಲೆ ಕುಟುಂಬಿಕರ ಸಮಾಜಪರ ಕಾರ್ಯಕ್ರಮಗಳನ್ನು ವಿವರಿಸಿದರು. ಸಂಸ್ಥೆಯ ಕಾರ್ಯದರ್ಶಿ  ಗೀತಾ ಆರ್‌. ಪೈ  ಅವರು ದಾನಿಗಳಿಗೆ ಕೃತಜ್ಞತೆ ಸಲ್ಲಿಸಿ ವಂದಿಸಿದರು. ಸಂಸ್ಥೆಯ ಪದಾಧಿಕಾರಿಗಳು, ಸದಸ್ಯರು, ಸಿಬಂದಿಗಳು ಪಾಲ್ಗೊಂಡಿದ್ದರು.