ನವದೆಹಲಿ: ಷೇರು ಮಾರುಕಟ್ಟೆಯ ಮೇಲೆ ಕಾನೂನಾತ್ಮಕ ನಿಯಂತ್ರಣ ಹೊಂದಿರುವ “ಸೆಕ್ಯೂರಿಟೀಸ್‌ ಆ್ಯಂಡ್‌ ಎಕ್ಸ್‌ಚೇಂಜ್‌ ಬೋರ್ಡ್‌ ಆಫ್ ಇಂಡಿಯಾ’ (ಸೆಬಿ) ಮಾದರಿಯಲ್ಲಿ, ದೇಶೀಯ “ಇ-ಕಾಮರ್ಸ್‌’ ವೆಬ್‌ಸೈಟ್‌ಗಳ ಮೇಲೆ ನಿಯಂತ್ರಣ ತರಲು “ಓಪನ್‌ ನೆಟವರ್ಕ್ ಫಾರ್‌ ಡಿಜಿಟಲ್‌’ (ಒಎನ್‌ಡಿಸಿ) ಎಂಬ ಹೊಸ ಮಂಡಳಿಯನ್ನು ರಚನೆ ಮಾಡಲು ಕೇಂದ್ರ ಸರ್ಕಾರ ಚಿಂತನೆ ನಡೆಸಿದೆ.
ಸಂಭಾವ್ಯ ಹೊಸ ಮಂಡಳಿಯು, 2000ರ ಮಾಹಿತಿ ತಂತ್ರಜ್ಞಾನ ಕಾಯ್ದೆಯ ಅನುಸಾರ ಕೆಲಸ ಮಾಡಬೇಕು. ಇ-ಕಾಮರ್ಸ್‌ ಕ್ಷೇತ್ರದಲ್ಲಿರುವ ಕೆಲವೇ ಕಂಪನಿಗಳ ಸಾರ್ವಭೌಮತ್ವಕ್ಕೆ ಇತಿಶ್ರೀ ಹಾಡಿ, ಹೊಸ ಸಂಸ್ಥೆಗಳ ಪ್ರವೇಶ, ಬೆಳವಣಿಗೆಗೆ ಅವಕಾಶ ಕಲ್ಪಿಸಬೇಕು.
“ಇ-ಕಾಮರ್ಸ್‌’ ಗ್ರಾಹಕರ, ಮಾರಾಟಗಾರರ ಸಮಸ್ಯೆಗಳನ್ನು, ಕುಂದು- ಕೊರತೆ ದೂರುಗಳನ್ನು ಕಾನೂನಾತ್ಮಕವಾಗಿ ಪರಿಹರಿಸಬೇಕು.
ಇದನ್ನೂ ಓದಿ:ಸಾವೊ ಜಾಸಿಂಟೊ ದ್ವೀಪದಲ್ಲಿ ಧ್ವಜಾರೋಹಣಕ್ಕೆ ಸ್ಥಳೀಯರ ವಿರೋಧ
ಸದ್ಯದಲ್ಲೇ ಕೇಂದ್ರ ಸರ್ಕಾರ ಜಾರಿಗೊಳಿಸಲಿರುವ ವೈಯಕ್ತಿಕ ದತ್ತಾಂಶ ಸಂರಕ್ಷಣಾ ಕಾನೂನಿಗೆ ಅನುಸಾರವಾಗಿ ಕಾರ್ಯ ನಿರ್ವಹಿಸಬೇಕು ಎಂಬ ನಿರೀಕ್ಷೆಯನ್ನು ಕೇಂದ್ರ ಸರ್ಕಾರ ಹೊಂದಿದೆ.
