ಐಡಿಬಿಐ ಬ್ಯಾಂಕ್‌ ಖಾಸಗೀಕರಣಕ್ಕೆ ಬಿಡ್‌ ಆಹ್ವಾನಿಸಿದ ಕೇಂದ್ರ ಸರ್ಕಾರ

ನವದೆಹಲಿ: ಐಡಿಬಿಐ ಬ್ಯಾಂಕ್‌ ಖಾಸಗೀಕರಣ ಮಾಡುವುದಕ್ಕೆ ಕೇಂದ್ರ ಸರ್ಕಾರ ಮುಂದಾಗಿದ್ದು, ಅದಕ್ಕೆಂದು ಬಿಡ್‌ಗಳನ್ನು ಆಹ್ವಾನಿಸಿದೆ.

ಕೇಂದ್ರ ಸರ್ಕಾರ ಮತ್ತು ಎಲ್‌ಐಸಿ ಜಂಟಿಯಾಗಿ ಬ್ಯಾಂಕಿನ ಒಟ್ಟು ಶೇ.60.72 ಷೇರನ್ನು ಮಾರಾಟ ಮಾಡಲಿವೆ. ಬಿಡ್‌ ಮಾಡುವ ಕಂಪನಿಯ ಮೌಲ್ಯ ಕನಿಷ್ಠ 22,500 ಕೋಟಿ ರೂ. ಆಗಿರಬೇಕು. ಕಳೆದ ಐದು ವರ್ಷಗಳಲ್ಲಿ ಕನಿಷ್ಠ 3 ವರ್ಷ ಸಂಸ್ಥೆಯು ಲಾಭ ಗಳಿಸಿರಬೇಕೆಂಬ ನಿಯಮ ಹೇರಲಾಗಿದೆ.

ಐಡಿಬಿಐ ಬ್ಯಾಂಕ್‌ನಲ್ಲಿ ಎಲ್‌ಐಸಿ ಶೇ.49.24 ಪಾಲು, ಸರ್ಕಾರ ಶೇ.45.48 ಪಾಲನ್ನು ಹೊಂದಿದೆ. ಇದೀಗ ಎಲ್‌ಐಸಿಯು ಶೇ.30.24 ಪಾಲು ಹಾಗೂ ಸರ್ಕಾರವು ಶೇ.30.48 ಪಾಲನ್ನು ಮಾರಾಟ ಮಾಡುತ್ತಿದೆ.