ಬ್ಯಾಂಕ್‌ ಖಾತೆ ಸಿಂಧುತ್ವ: 1,122 ಎನ್‌ಜಿಓಗಳಿಗೆ ಖಡಕ್‌ ಸೂಚನೆ

ಹೊಸದಿಲ್ಲಿ : ದೇಶಾದ್ಯಂತದ ಸುಮಾರು 1,122 ಎನ್‌ಜಿಓ ಗಳಿಗೆ, ತಾವು ವಿದೇಶೀ ದೇಣಿಗೆಯನ್ನು ಸ್ವೀಕರಿಸುವ ತಮ್ಮ ಬ್ಯಾಂಕ್‌ ಖಾತೆಗಳ ಸಿಂಧುತ್ವಗೊಳಿಸುವಂತೆ ಗೃಹ ಸಚಿವಾಲಯ ಆದೇಶಿಸಿದೆ. 

ತಮ್ಮ ಬ್ಯಾಂಕ್‌ ಖಾತೆಗಳ ಸಿಂಧುತ್ವಕ್ಕೆ  ವಿಫ‌ಲವಾಗುವ ಎನ್‌ಜಿಓ ಗಳ ವಿರುದ್ಧ ಕಠಿನ ಕ್ರಮ ತೆಗೆದುಕೊಳ್ಳಲಾಗುವುದು ಎಂದು ಗೃಹ ಸಚಿವಾಲಯ ಎಚ್ಚರಿಸಿದೆ. 

ಬ್ಯಾಂಕ್‌ ಖಾತೆಗಳ ಸಿಂಧುತ್ವ ಮಾಡಬೇಕಿರುವ ಎನ್‌ಜಿಓ ಗಳ ಪಟ್ಟಿಯಲ್ಲಿ ಶ್ರೀ ರಾಮಕೃಷ್ಣ ಮಠ, ರಾಮಕೃಷ್ಣ ಮಿಶನ್‌, ಇಂದೋರ್‌ ಕ್ಯಾನ್ಸರ್‌ ಫೌಂಡೇಶನ್‌ ಚ್ಯಾರಿಟೇಬಲ್‌ ಟ್ರಸ್ಟ್‌, ಡೆಲ್ಲಿ ಸ್ಕೂಲ್‌ ಆಫ್ ಸೋಶಿಯಲ್‌ ವರ್ಕ್‌ ಸೊಸೈಟಿ, ಹಿಂದು ಅನಾಥ ಆಶ್ರಮ್‌ ಮತ್ತು ಮದನಿ ದಾರ್‌ ಉತ್‌ ತರ್ಬಿಯಾತ್‌ ಸೇರಿವೆ.