ಎಲ್ಲ ಮೊಬೈಲ್‌ಗ‌ಳಲ್ಲಿ ಜಿಪಿಎಸ್‌ ಕಡ್ಡಾಯ

ಹೊಸದಿಲ್ಲಿ: ಸ್ಮಾರ್ಟ್‌ಫೋನ್‌ ಅಲ್ಲದ ಕಡಿಮೆ ಬೆಲೆಯ ಫೀಚರ್‌ ಫೋನ್‌ಗಳಿಗೂ ಜಿಪಿಎಸ್‌ ಕಡ್ಡಾಯಗೊಳಿಸಲು ಕೇಂದ್ರ ಸರಕಾರ ನಿರ್ಧರಿಸಿದೆ. ಸದ್ಯ ಫೀಚರ್‌ ಫೋನ್‌ಗಳಿಗೆ ಜಿಪಿಎಸ್‌ ಅಳವಡಿಕೆ ಕಡ್ಡಾಯವಿಲ್ಲ. ಅಲ್ಲದೆ ಕೇಂದ್ರ ಸರಕಾರದ ಈ ಕ್ರಮವು, ಎಲ್ಲ ಫೋನ್‌ಗಳಲ್ಲಿ ಪ್ಯಾನಿಕ್‌ ಬಟನ್‌ಗಳನ್ನು ಕಡ್ಡಾಯಗೊಳಿಸಲೂ ಸಹಾಯಕವಾಗಲಿದೆ. ಸಹಾಯ ಅಗತ್ಯವಿ ರುವ ಮಹಿಳೆಯರಿಗೆ ಈ ಪ್ಯಾನಿಕ್‌ ಬಟನ್‌ ಅನುಕೂಲವಾಗಲಿದ್ದು, ಈ ಬಟನ್‌ ಒತ್ತುವುದರಿಂದ ಫೋನ್‌ ಇರುವ ಸ್ಥಳ ಆಪ್ತರಿಗೆ ಲಭ್ಯವಾಗುತ್ತದೆ. 2016ರಲ್ಲಿ ಸರಕಾರ, ಸ್ಮಾರ್ಟ್‌ಫೋನ್‌ಗಳಿಗೆ ಜಿಪಿಎಸ್‌, ಪ್ಯಾನಿಕ್‌ ಬಟನ್‌ ಕಡ್ಡಾಯಗೊಳಿಸಿತ್ತು.