Road Mishap ಉಡುಪಿ; ಗೂಡ್ಸ್‌ ರಿಕ್ಷಾ- ಕಾರು ಢಿಕ್ಕಿ: ಜಖಂ

ಉಡುಪಿ: ವಾಹನಗಳ ನಡುವೆ ಢಿಕ್ಕಿ ಸಂಭವಿಸಿ ವ್ಯಕ್ತಿಯೊಬ್ಬರು ಗಾಯಗೊಂಡ ಘಟನೆ ನಡೆದಿದೆ.

ಕುಕ್ಕಿಕಟ್ಟೆಯ ಚಂದ್ರಶೇಖರ್‌ ಅವರು ತನ್ನ ಕಾರಿನಲ್ಲಿ ಗೋಪಾಲಪುರ ನಾಗಬನ ರಸ್ತೆ ಬಳಿ ತಲುಪುವಾಗ ನಾಗಬನ ರಸ್ತೆ ಕಡೆಯಿಂದ ಲಕ್ಷ್ಮೀ ನಗರದ ಕಡೆಗೆ ತೆರಳುತ್ತಿದ್ದ ಗೂಡ್ಸ್‌ ಕ್ಯಾರಿಯರ್‌ ರಿಕ್ಷಾ ಢಿಕ್ಕಿ ಹೊಡೆದಿದೆ. ಪರಿಣಾಮ ಎರಡೂ ವಾಹನಗಳು ಜಖಂಗೊಂಡಿವೆ.

ಅಪಘಾತಪಡಿಸಿದ ಗೂಡ್ಸ್‌ ಕ್ಯಾರಿಯರ್‌ ರಿಕ್ಷಾ ಚಾಲಕ ಇಸ್ರಾರ್‌ ಅವರಿಗೆ ಸಣ್ಣಪುಟ್ಟ ಗಾಯಗಳಾಗಿವೆ. ಸಂಚಾರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.