Gold Prices ಚಿನ್ನದ ಬೆಲೆಯಲ್ಲಿ ಇಳಿಕೆ

ಹೊಸದಿಲ್ಲಿ: ರಾಷ್ಟ್ರ ರಾಜಧಾನಿಯ ಚಿನಿವಾರಕಟ್ಟೆಯಲ್ಲಿ ಗುರುವಾರ ಚಿನ್ನದ ಧಾರಣೆ ಪ್ರತೀ 10 ಗ್ರಾಂಗಳಿಗೆ 650 ರೂ. ಇಳಿಕೆಯಾಗಿ 58,950 ರೂ. ಮುಟ್ಟಿತ್ತು.

ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನದ ಬೆಲೆ ಕಡಿಮೆಯಾದುದೇ ಇದಕ್ಕೆ ಕಾರಣ. ಬೆಳ್ಳಿಯ ಬೆಲೆಯೂ ಪ್ರತೀ ಕೆ.ಜಿ.ಗೆ 1 ಸಾವಿರ ರೂ. ಕಡಿಮೆಯಾಗಿ 73,100 ರೂ.ಗಳಲ್ಲಿತ್ತು.

ಷೇರು ಸೂಚ್ಯಂಕ ಕುಸಿತ
ಮುಂಬಯಿ: ಗುರುವಾರ ಷೇರು ಸೂಚ್ಯಂಕ ಶೇ.1ರಷ್ಟು ಕುಸಿತ ಕಂಡಿದೆ. ಸೆನ್ಸೆಕ್ಸ್‌ ದಿನಾಂತ್ಯಕ್ಕೆ 610.37 ಪಾಯಿಂಟ್‌ ಅಂದರೆ ಶೇ. 0.92 ಕುಸಿದು 65,508.32 ಪಾಯಿಂಟ್‌ಗಳಲ್ಲಿ ನೆಲೆಗೊಂಡಿತು. ನಿಫ್ಟಿ 192.90 ಅಂಕಗಳು ಅಂದರೆ ಶೇ. 1.05 ಕುಸಿತ ಕಂಡು 19,523.55ರಲ್ಲಿ ನೆಲೆಸಿತು.