Gold Price Decline: ಚಿನ್ನದ ದರ ಮತ್ತೆ 1,000 ರೂ.ಇಳಿಕೆ: 10 ಗ್ರಾಂಗೆ 78,550 ರೂ.

ಹೊಸದಿಲ್ಲಿ: ಚಿನ್ನ ಕೊಳ್ಳುವವರಿಗೆ ಮತ್ತೆ ನಿರಾಳತೆ ನೀಡುವಂತೆ ಹಳದಿ ಲೋಹದ ದರ ಸೋಮವಾರ 1,000 ರೂ. ಇಳಿಕೆಯಾಗಿ, ದಿಲ್ಲಿಯಲ್ಲಿ 80 ಸಾವಿರದ(10 ಗ್ರಾಂ.) ಗಡಿಯಿಂದ ಕೆಳಗಿಳಿದಿದೆ.

ಶುಕ್ರವಾರ ಚಿನ್ನದ ದರ 10ಗ್ರಾಂಗೆ 80,400ರೂ. ಆಗಿತ್ತು. ಸೋಮವಾರ 79,400ರೂ.ಗೆ ಇಳಿಕೆಯಾಗಿದೆ. ಬೆಂಗಳೂರಿನಲ್ಲೂ 24 ಕ್ಯಾರಟ್‌ ಚಿನ್ನದ ದರ 1,090 ರೂ. ಇಳಿಕೆಯಾಗಿ, 10 ಗ್ರಾಂಗೆ 78,550 ರೂ.ಗೆ ತಲುಪಿದೆ. 22 ಕ್ಯಾರಟ್‌ ಚಿನ್ನದ ಬೆಲೆ 1,000 ರೂ. ಕಡಿಮೆಯಾಗಿ, 10 ಗ್ರಾಂಗೆ 72 ಸಾವಿರ ರೂ. ಆಗಿದೆ.