Bramavara: ಚಿನ್ನ, ಹಣ ವಂಚನೆ: ಆರೋಪ

ಬ್ರಹ್ಮಾವರ: ಮಣಿಪಾಲದ ಹಣಕಾಸು ಸಂಸ್ಥೆಯಿಂದ ಹರಾಜಿನ ಮೂಲಕ ಪಡೆದ ಚಿನ್ನವನ್ನು ಕಡಿಮೆ ಬೆಲೆಯಲ್ಲಿ ಕೊಡಿಸುವಾಗಿ ಸುವಾಸಿನಿ ಮತ್ತು ವಾದಿರಾಜ  ವಂಚಿಸಿರುವುದಾಗಿ ನಡೂರಿನ ನಿತ್ಯಾನಂದ ಅವರು ಆರೋಪಿಸಿದ್ದಾರೆ.

ತಾನು 35 ಲಕ್ಷ ರೂ. ಹಾಗೂ ಇತರರಿಂದ ಒಟ್ಟು 75 ಲಕ್ಷ ರೂ. ನೀಡಿದ್ದು, ನಗದು ಹಣವನ್ನು ನಿಶಾಂತ ಮನೋಹರ ಅವರ ಮೂಲಕ ಸಂಗ್ರಹಿಸಿದ್ದಾರೆ. ಚಿನ್ನವನ್ನು ಕೊಡದೆ, ಹೂಡಿಕೆ ಮಾಡಿದ ಹಣ ವಾಪಸ್‌ ನೀಡದೆ ಮೋಸ ಮಾಡಿರುವುದಾಗಿ ನಿತ್ಯಾನಂದ ಅವರು ನೀಡಿದ ದೂರಿನಂತೆ ಬ್ರಹ್ಮಾವರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.