Khelo India ಅಥ್ಲೆಟಿಕ್ಸ್ ನಲ್ಲಿ ಕವಿವಿ ಗೆ ಚಿನ್ನದ ಪದಕ

ಧಾರವಾಡ : ಕರ್ನಾಟಕ ಕಲಾ ಕಾಲೇಜಿನ ಬಿ.ಕಾಂ ಪ್ರಥಮ ವರ್ಷದ ವಿದ್ಯಾರ್ಥಿ ನಾಗರಾಜ ದಿವಟೆ ಅವರು ಆಸ್ಸಾಂ ನ ಗೌವಾಹತಿಯ ಎಲ್.ಜಿ ಅಥ್ಲೆಟಿಕ್ ಸ್ಟೇಡಿಯಮ್ ನಲ್ಲಿ 2023-24 ನೇ ಸಾಲಿನ ಫೆಬ್ರವರಿ 25 ರಿಂದ 27 ವರಗೆ ನಡೆಯುತ್ತಿರುವ 4ನೇ ಖೇಲೊ ಇಂಡಿಯಾ ರಾಷ್ಟ್ರೀಯ ಅಂತರ ವಿಶ್ವವಿದ್ಯಾಲಯಗಳ ಅಥ್ಲೆಟಿಕ್ಸ್ ಕ್ರೀಡಾಕೂಟದಲ್ಲಿ 3000 ಮೀಟರ್ ‘ಸ್ಟೆಪಲ್ ಚೇಸ್’ ಕ್ರೀಡೆಯಲ್ಲಿ ಚಿನ್ನದ ಪದಕವನ್ನು ಗಳಿಸಿದ್ದಾರೆ.

ಇವರ ಸಾಧನೆಗೆ ಕರ್ನಾಟಕ ವಿಶ್ವವಿದ್ಯಾಲಯದ ಕುಲಪತಿ ಪ್ರೊ.ಕೆ.ಬಿ.ಗುಡಸಿ, ಕುಲಸಚಿವರಾದ ಡಾ. ಎ ಚನ್ನಪ್ಪ, ಕರ್ನಾಟಕ ಕಲಾ ಕಾಲೇಜಿನ ಪ್ರಾಚಾರ್ಯರಾದ ಡಾ.ಡಿ.ಬಿ.ಕರಡೋಣಿ, ಕವಿವಿ ಕ್ರೀಡಾ ವಿಭಾಗದ ನಿರ್ದೇಶಕ ಡಾ.ಬಿ.ಎಮ್.ಪಾಟೀಲ್ ಮತ್ತು ‌ಕರ್ನಾಟಕ‌ ಕಲಾ ಕಾಲೇಜಿನ ದೈಹಿಕ ನಿರ್ದೇಶಕರಾದ ಡಾ. ಮಂಜುನಾಥ ಅಸುಂಡಿ, ಡಾ.ಗೋವಿಂದಪ್ಪ ಅವರು ನಾಗರಾಜ ದಿವಟೆ ಅವರನ್ನು ಅಭಿನಂದಿಸಿದ್ದಾರೆ.