ಭಿವಂಡಿ ಗೋದಾಮಿನಲ್ಲಿ ಬೆಂಕಿ ಅವಘಡ; ಸಾವುನೋವು ಇಲ್ಲ

ಥಾಣೆ : ಮಹಾರಾಷ್ಟ್ರದ ಥಾಣೆ ಜಿಲ್ಲೆಯ ಭಿವಂಡಿಯಲ್ಲಿನ ಗುಜರಿ ಗೋಡೌನ್‌ ಒಂದರಲ್ಲಿ  ಇಂದು ಶುಕ್ರವಾರ ಬೆಳಗ್ಗೆ ನಸುಕಿನ ವೇಳೆ ಬೆಂಕಿ ಅನಾಹುತ ಸಂಭವಿಸಿತು; ಆದರೆ ಯಾರಿಗೂ ಗಾಯ, ಜೀವ ಹಾನಿ ಉಂಟಾದ ವರದಿ ಇಲ್ಲ ಎಂದು ಪೊಲೀಸರು ತಿಳಿಸಿದ್ದಾರೆ.

ನಾಲ್ಕು ತಾಸುಗಳ ಸತತ ಕಾರ್ಯಾಚರಣೆ ನಡೆಸಿ ಬೆಂಕಿಯನ್ನು ನಂದಿಸಲಾಯಿತು ಎಂದು ಥಾಣೆಯ ಪ್ರಾದೇಶಿಕ ದುರಂತ ವ್ಯವಸ್ಥಾಪನ ವಿಭಾಗದ ಮುಖ್ಯಸ್ಥ ಸಂತೋಷ್‌ ಕದಂ ತಿಳಿಸಿದ್ದಾರೆ.

ಈ ಬೆಂಕಿ ಅನಾಹುತದಲ್ಲಿ ಗೋಡೌನ್‌ನಲ್ಲಿದ್ದ ವಸ್ತುಗಳು, ಸಮೀಪದ ಟೈಲರ್‌ ಅಂಗಡಿ, ಮತ್ತು ಪಾರ್ಕ್‌ ಮಾಡಿಡಲಾಗಿದ್ದ  ಕೆಲ ಮೋಟಾರ್‌ ಸೈಕಲ್‌ಗ‌ಳು ಧ್ವಂಸಗೊಂಡಿವೆ; ದುರ್ಘ‌ಟನೆಯ ಬಗ್ಗೆ ತನಿಖೆ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.