ಗೋವಾ: ಸಚಿವ ಸಂಪುಟದ ಖಾತೆ ಹಂಚಿಕೆ ಕೊನೆಗೂ ಪೂರ್ಣ

ಪಣಜಿ: ಗೋವಾ ಸಚಿವ ಸಂಪುಟದ ಬಹುನಿರೀಕ್ಷಿತ ಖಾತೆ ಹಂಚಿಕೆ ಕೊನೆಗೂ ಪೂರ್ಣಗೊಂಡಿದೆ. ಮುಖ್ಯಮಂತ್ರಿ ಪ್ರಮೋದ್ ಸಾವಂತ್ ರವರ ಬಳಿ ಗೃಹ, ಹಣಕಾಸು, ಖಾತೆಯನ್ನು ತಮ್ಮ ಬಳಿಯೇ ಉಳಿಸಿಕೊಂಡಿದ್ದಾರೆ. ಸಚಿವ ವಿಶ್ವಜಿತ್ ರಾಣೆಗೆ ಆರೋಗ್ಯ,ನಗರಾಭಿವೃದ್ಧಿ, ಮಹಿಳಾ ಮತ್ತು ಮಕ್ಕಳ ಕಲ್ಯಾಣ, ಅರಣ್ಯ ಇಲಾಖೆ ಜವಾಬ್ದಾರಿ ನೀಡಲಾಗಿದೆ.

ಸಚಿವ ಮಾವಿನ್ ಗುದಿನ್ಹೊ ರವರಿಗೆ ಸಾರಿಗೆ, ಉದ್ಯೋಗ ಮತ್ತು ಪಂಚಾಯತ ಖಾತೆಯನ್ನು ನೀಡಲಾಗಿದೆ. ಸಚಿವ ರವಿ ನಾಯ್ಕ ರವರಿಗೆ ಕೃಷಿ, ಕರಕುಶಲ ಮತ್ತು ನಾಗರೀಕ ಸರಬರಾಜು ಖಾತೆಯನ್ನು ನೀಡಲಾಗಿದೆ. ಸಚಿವ ನೀಲೇಶ ಕಾಬ್ರಾಲ್ ರವರಿಗೆ ಶಾಸಕಾಂಗ ವ್ಯವಹಾರಗಳು, ಪರಿಸರ, ಕಾನೂನು ಮತ್ತು ಸುವ್ಯವಸ್ಥೆ, ಲೋಕೋಪಯೋಗಿ ಖಾತೆಯನ್ನು ನೀಡಲಾಗಿದೆ. ಸಚಿವ ಸುಭಾಷ ಶಿರೋಡಕರ್ ರವರಿಗೆ ಸಹಕಾರ ಮತ್ತು ಇತರ ಎರಡು ಖಾತೆಯ ಜವಾಬ್ದಾರಿ ನೀಡಲಾಗಿದೆ.

ಸಚಿವ ರೋಹನ್ ಖಂವಟೆ ರವರಿಗೆ ಪ್ರವಾಸೋದ್ಯಮ, ಮಾಹಿತಿ ತಂತ್ರಜ್ಞಾನ, ಮುದ್ರಣ ಮತ್ತು ಲೇಖನ ಸಾಮಗ್ರಿಗಳ ಜವಾಬ್ದಾರಿ ನೀಡಲಾಗಿದೆ. ಸಚಿವ ಗೋವಿಂದ ಗಾವಡೆ ರವರಿಗೆ ಕ್ರೀಡೆ, ಕಲಾ ಮತ್ತು ಸಂಸ್ಕøತಿ ಖಾತೆಯ ಜವಾಬ್ದಾರಿ ನೀಡಲಾಗಿದೆ. ಸಚಿವ ಬಾಬೂಶ್ ಮೊನ್ಸೆರಾತ್ ರವರಿಗೆ ಕಂದಾಯ, ಕಾರ್ಮಿಕ, ಘನತ್ಯಾಜ್ಯ ನಿರ್ವಹಣೆ ಖಾತೆಯನ್ನು ನೀಡಲಾಗಿದೆ.