ಕಾರು ಮರಕ್ಕೆ ಢಿಕ್ಕಿ: ಪೊಲೀಸ್‌ ಅಧಿಕಾರಿ ಸಹಿತ ನಾಲ್ವರ ಸಾವು

ಗಿರಿಧ್‌, ಜಾರ್ಖಂಡ್‌ : ಇಂದು ನಸುಕಿನ ವೇಳೆ ಜಾರ್ಖಂಡ್‌ನ‌ ಗಿರಿಧ್‌ ಜಿಲ್ಲೆಯ ಗಿರಿಧ್‌ – ಮಧುಪುರ ರಸ್ತೆಯಲ್ಲಿ ಝಲಕ್‌ದಿಹಾ ಎಂಬಲ್ಲಿಗೆ ಸಮೀಪ ನಡೆದ ರಸ್ತೆ ಅಪಘಾತದಲ್ಲಿ   ಓರ್ವ ಪೊಲೀಸ್‌ ಅಧಿಕಾರಿ ಸಹಿತ ನಾಲ್ವರು ಮೃತಪಟ್ಟು  ಇತರ ಇಬ್ಬರು ಗಾಯಗೊಂಡಿದ್ದಾರೆ.

ನತದೃಷ್ಟರು ಪ್ರಯಾಣಿಸುತ್ತಿದ್ದ ಕಾರಿನ ಚಾಲಕನಿಗೆ ವಾಹನದ ಮೇಲೆ ನಿಯಂತ್ರಣ ತಪ್ಪಿದ ಕಾರಣ ಅದು ಮರಕ್ಕೆ ಢಿಕ್ಕಿ ಹೊಡೆಯಿತು ಎಂದು ಪೊಲೀಸರು ತಿಳಿಸಿದ್ದಾರೆ. 

ಕಾರಿನಲ್ಲಿದ್ದವರು ದೇವಗಢ ಪತಾರ್‌ನಲ್ಲಿ ಮದುವೆ ಕಾರ್ಯಕ್ರಮ ಮುಗಿಸಿ ಛೋಟ್‌ಕೀ ಕರಗ್‌ದಿಹಾಗೆ ಮರಳುತ್ತಿದ್ದಾಗ ಈ ದುರಂತ ಸಂಭವಿಸಿತು. ಮೃತ ಪೊಲೀಸ್‌ ಅಧಿಕಾರಿಯನ್ನು ಮಹೇಶ್‌ ಪ್ರಸಾದ್‌ ಎಂದು ಗುರುತಿಸಲಾಗಿದೆ. ಇವರು ಪಾಕೂರ್‌ ಜಿಲ್ಲೆಯ ಲಿಟ್ಟಿಪಾರಾ ಪೊಲೀಸ್‌ ಠಾಣೆಯಲ್ಲಿ ಪ್ರಭಾರಾಧಿಕಾರಿಯಾಗಿದ್ದರು.