Advertisement
ಬಾಲಕಿ ಸಾಕ್ಷಿ (15) ಮತ್ತು ಬಾಲಕ ಶ್ಲೋಕ್‌ (10) ಪ್ರಶಾಂತ್‌- ಸ್ಮಿತಾ ದಂಪತಿಯ ಮಕ್ಕಳು.
ಪ್ರಶಾಂತ್‌ ಅವರ ತಂದೆ ದಿ| ಬಿ.ಎನ್‌. ವೆಂಕಟರಮಣ (ಪಾಪಣ್ಣ) ಮತ್ತು ತಾಯಿ ವಿನಯಾ (ಬೇಬಿ) ಮೂಲತಃ ಶಿವಮೊಗ್ಗ ಜಿಲ್ಲೆಯ ಹೊಸನಗರದವರು. ವ್ಯವಹಾರ ಮತ್ತು ಕೃಷಿ ಕಾರ್ಯಗಳಿಗಾಗಿ ಅವರು ಕುಟುಂಬ ಸಹಿತರಾಗಿ ಸಾಗರ ದಲ್ಲಿ ನೆಲೆಸಿದ್ದರು. ವೆಂಕಟರಮಣ ಅವರ ಪೂರ್ವಿಕರ ಮೂಲ ಬಸ್ರೂರು.
Related Articles
Advertisement
ಪ್ರಶಾಂತ್‌ ಅವರ ತಾಯಿ ವಿನಯಾ (ಬೇಬಿ) ಹಿಂದೊಮ್ಮೆ ಮಗನ ಜತೆಗೆ ಜರ್ಮನಿಗೆ ತೆರಳಿದ್ದರೂ ಅಲ್ಲಿನ ವಾತಾವರಣ, ಆಹಾರ ಹೊಂದಿಕೆ ಆಗದ ಕಾರಣ ಮತ್ತೆ ಊರಿಗೆ ಬಂದು ಕುಂದಾಪುರದಲ್ಲಿ ಒಬ್ಬರೇ ನೆಲೆಸಿದ್ದರು. ಕೆಲವು ದಿನ ಉಡುಪಿಯಲ್ಲಿರುವ ಪುತ್ರಿಯ ಮನೆಗೆ ತೆರಳಿದರೆ, ಕೆಲವು ದಿನ ಕುಂದಾಪುರದಲ್ಲಿರುತ್ತಾರೆ.
ಸ್ಮಿತಾ ಸಿದ್ದಾಪುರದವರುಸ್ಮಿತಾ ಅವರು ಸಿದ್ದಾಪುರದ ಆಯು ರ್ವೇದ ವೈದ್ಯ ಡಾ| ಚಂದ್ರಮೌಳಿ ಮತ್ತು ವಿದ್ಯಾದಾಯಿನಿ ದಂಪತಿಯ ಪುತ್ರಿ. ಸ್ಮಿತಾ ಅವರು ಕುಂದಾಪುರದ ಭಂಡಾರ್‌ಕಾರ್ ಕಾಲೇಜಿನಲ್ಲಿ ಪದವಿ ಮುಗಿಸಿ, ಮಂಗಳೂರು ವಿ.ವಿ.ಯಿಂದ ಎಂ.ಎ. ಸ್ನಾತಕೋತ್ತರ ಪದವೀಧರೆಯಾಗಿದ್ದು, ಪತಿಯ ಕಂಪೆನಿಯಲ್ಲಿಯೇ ಉದ್ಯೋಗಿಯಾಗಿದ್ದಾರೆ. ಸಂಬಂಧಿಕರಿಂದ ಸಾಂತ್ವನ
ವಿಚಾರ ತಿಳಿಯುತ್ತಿದ್ದಂತೆ ಸ್ಮಿತಾ ಅವರ ಸಿದ್ದಾಪುರದ ಮನೆಗೆ ಅನೇಕ ಮಂದಿ ಸಂಬಂಧಿಕರು ಬಂದು, ತಂದೆ- ತಾಯಿಗೆ ಸಾಂತ್ವನ ಹೇಳುತ್ತಿದ್ದುದು ಕಂಡುಬಂತು. ಮುಂದಿನ ತಿಂಗಳು ಬರುವವರಿದ್ದರು
ಮಾವ ಡಾ| ಚಂದ್ರಮೌಳಿ ಮತ್ತು ಅತ್ತೆ ವಿದ್ಯಾದಾಯಿನಿ ಅವರನ್ನು ಜರ್ಮನಿಗೆ ಕರೆದುಕೊಂಡು ಹೋಗಲು ಎಪ್ರಿಲ್‌ 9ರಂದು ಪ್ರಶಾಂತ್‌ ಊರಿಗೆ ಬರುವವರಿದ್ದರು. ಅಷ್ಟರೊಳಗೆ ವಿಧಿಯಾಟಕ್ಕೆ ಸಿಲುಕಿ ಸಾವನ್ನಪ್ಪಿದ್ದು ಮಾತ್ರ ದುರದೃಷ್ಟಕರ. ಹೆಗ್ಡೆ ಸ್ಪಂದನೆ
ಪ್ರಶಾಂತ್‌ ಅವರ ತಾಯಿ ವಿನಯಾ ಅವರ ಪಾಸ್‌ಪೋರ್ಟ್‌ ಅವಧಿ ಮುಗಿದಿದ್ದು, ಜರ್ಮನ್‌ ಕಾನೂನಿಗೆ ಅನುಗುಣವಾಗಿ ಅವರು ವಿದೇಶಕ್ಕೆ ತೆರಳುವ ಅನಿವಾರ್ಯತೆ ಇದ್ದಲ್ಲಿ, ತಾಂತ್ರಿಕ ಸಮಸ್ಯೆ ಉಂಟಾಗುತ್ತದೆ ಎನ್ನುವ ಕಾರಣಕ್ಕಾಗಿ ಕುಟುಂಬ ಸದಸ್ಯರು ಮಾಜಿ ಸಂಸದ ಜಯಪ್ರಕಾಶ ಹೆಗ್ಡೆ ಅವರನ್ನು ಸಂಪರ್ಕಿಸಿದ್ದರು. ಕೂಡಲೇ ಸ್ಪಂದಿಸಿದ ಹೆಗ್ಡೆ ಅವರು, ತ್ವರಿತಗತಿಯಲ್ಲಿ ಪಾಸ್‌ಪೋರ್ಟ್‌ ನವೀಕರಣಕ್ಕೆ ಮಾಹಿತಿ ಕಲೆಹಾಕಿದರು. ಸೋಮವಾರ ಬೆಂಗಳೂರಿಗೆ ಬನ್ನಿ, ಸ್ವತಃ ನಿಮ್ಮೊಂದಿಗೆ ಬರುತ್ತೇನೆ ಎಂದಿದ್ದಾರೆ. ಎಸ್‌ಪಿ ನಿಶಾ ಜೇಮ್ಸ್‌ ಕೂಡ ಪ್ರಶಾಂತ್‌ ಮತ್ತು ಸ್ಮಿತಾ ಅವರ ಸಂಬಂಧಿಕರ ಜತೆ ಮಾತುಕತೆ ನಡೆಸಿದ್ದಾರೆ. ಸ್ನೇಹಿತರ ಆರೈಕೆಯಲ್ಲಿ ಮಕ್ಕಳು
ಪ್ರಶಾಂತ್‌ – ಸ್ಮಿತಾ ಮಕ್ಕಳು ಸದ್ಯ ಪ್ರಶಾಂತ್‌ ಅವರ ಸ್ನೇಹಿತರೊಂದಿಗೆ ಇದ್ದಾರೆ. ಪ್ರಶಾಂತ್‌ ಅವರ ತಾಯಿ ವಿನಯಾ ಉಡುಪಿಯಿಂದ ಬೆಂಗಳೂರಿಗೆ ಹೊರಟಿದ್ದಾರೆ. ನಾವು ಇಲ್ಲಿಂದ ಜರ್ಮನಿಗೆ ತೆರಳಲು ಸಿದ್ಧತೆ ನಡೆಸಿದ್ದೇವೆ ಎಂದು ಪ್ರಶಾಂತ್‌ ಸಹೋದರ ಪ್ರಭಾತ್‌ ಅವರ ಪತ್ನಿ ಸುಷ್ಮಾ ಅವರು “ಉದಯವಾಣಿ’ಗೆ ಮಾಹಿತಿ ನೀಡಿದ್ದಾರೆ. ತತ್‌ಕ್ಷಣ ಸ್ಪಂದಿಸಿದ ಕೇಂದ್ರ ಸರಕಾರ
ಭಾರತೀಯ ಪ್ರಜೆಗಳ ಮೇಲೆ ನಡೆದ ದಾಳಿ ವಿಚಾರ ತಿಳಿದು ತತ್‌ಕ್ಷಣ
ಸ್ಪಂದಿಸಿದ ಕೇಂದ್ರ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್‌ ಸರಣಿ ಟ್ವೀಟ್‌ ಮೂಲಕ ಮಾಹಿತಿ ನೀಡಿದ್ದಾರೆ. ಅವರ ಕುಟುಂಬಿಕರು ವಿದೇಶಕ್ಕೆ ತೆರಳಲು ಇಲಾಖೆಯಿಂದ ವ್ಯವಸ್ಥೆಗಳನ್ನು ಮಾಡಿದ್ದಾರೆ. ತ್ವರಿತವಾಗಿ ಸ್ಪಂದಿಸಿದ ಅಲ್ಲಿನ ಭಾರತೀಯ ರಾಯಭಾರಿ ಕಚೇರಿ ಅಧಿಕಾರಿಗಳನ್ನು ಸುಷ್ಮಾ ಅವರು ಟ್ವೀಟ್‌ ಮೂಲಕ ಅಭಿನಂದಿಸಿದ್ದಾರೆ. ಕುಟುಂಬಿಕರು ನಾಳೆ ಜರ್ಮನಿಗೆ?
ನಡೆದ ದುರ್ಘ‌ಟನೆಯ ಮಾಹಿತಿ ಲಭಿಸಿದ ಕ್ಷಣದಿಂದ ನಾವೆಲ್ಲರೂ ತೀವ್ರ ದುಃಖದಲ್ಲಿದ್ದೇವೆ. ರವಿವಾರ ಜರ್ಮನಿಗೆ ತೆರಳುತ್ತಿದ್ದೇವೆ. ಅಗತ್ಯ ಸಿದ್ಧತೆಗಳನ್ನು ಕೇಂದ್ರ ಸರಕಾರ ಮಾಡಿಕೊಟ್ಟಿದೆ. ನಮ್ಮ ರಾಯಭಾರಿ ಇಲಾಖೆಯೂ ನಿರಂತರ ಸಂಪರ್ಕದಲ್ಲಿದೆ. ಎಲ್ಲ ವಿಚಾರಗಳನ್ನು ಅಲ್ಲಿಗೆ ಹೋಗಿ ಬಂದ ಬಳಿಕವಷ್ಟೇ ಹೇಳುತ್ತೇವೆ ಎನ್ನುತ್ತ ಕಣ್ಣೀರಾದರು ಸ್ಮಿತಾ ಅವರ ತಂದೆ ಡಾ| ಚಂದ್ರಮೌಳಿ ಮತ್ತು ಸಹೋದರ ಸುಜಯ್‌.