Advertisement

ಅಪರೂಪದ “ಭಾರತೀಯ ರಣಹದ್ದು’ಪ್ರತ್ಯಕ್ಷ

01:03 AM Oct 10, 2021 | Team Udayavani |

ಗಜೇಂದ್ರಗಡ: “ಅಕ್ಷಿಪಿಟ್ರಿಡೆ’ ಕುಟುಂಬಕ್ಕೆ ಸೇರಿದ ಅಳಿವಿನಂಚಿನಲ್ಲಿರುವ ಭಾರತೀಯ ರಣ ಹದ್ದು (“ಇಂಡಿಯನ್‌ ಲಾಂಗ್‌ಬಿಲ್ಡ್‌ ವಲ್ಚರ್‌’ ) ಗಜೇಂದ್ರಗಡ ಬೆಟ್ಟದ ಪ್ರದೇಶದಲ್ಲಿ ಕಂಡು ಬಂದಿದೆ.

Advertisement

ಇದು ಭಾರತ, ನೇಪಾಲ ಹಾಗೂ ಪಾಕಿಸ್ಥಾನ ಮೂಲದ ರಣಹದ್ದಾಗಿದ್ದು, “ಜಿಪ್ಸ್‌ ಇಂಡಿಕಸ್‌’ ಇದರ ವೈಜ್ಞಾನಿಕ ಹೆಸರು. 6.5ರಿಂದ 7.8 ಅಡಿ ಗಾತ್ರದ್ದಾಗಿದ್ದು, ರೆಕ್ಕೆ ಬಡಿಯದೇ ಆಕಾಶದಲ್ಲಿ ತಾಸು ಗಟ್ಟಲೆ ಹಾರಾಡಬಲ್ಲದು. ಇದರ ದೃಷ್ಟಿ ಮಾನವನಿಗಿಂದ 8 ಪಟ್ಟು ಸೂಕ್ಷ್ಮ.

3 ಅಡಿ ಎತ್ತರದ ಪ್ರಾಣಿಗಳನ್ನು ನಾಲ್ಕು ಮೈಲಿಯಷ್ಟು ಎತ್ತರದಿಂದಲೇ ಸ್ಪಷ್ಟವಾಗಿ ಗುರುತಿಸಬಲ್ಲವು. ಸತ್ತ, ಸಾಕು ಮತ್ತು ವನ್ಯ ಪ್ರಾಣಿಗಳು ಇವುಗಳ ಆಹಾರ.

ವಿಶೇಷತೆ
ಇವು 12 ಕಿ.ಮೀ.ಗಿಂತಲೂ ಎತ್ತರಕ್ಕೆ ಹಾರುತ್ತವೆ. ತಾಸಿಗೆ 80 ಕಿ.ಮೀ. ವೇಗದಲ್ಲಿ ಸಾವಿರಾರು ಕಿ.ಮೀ. ಸುತ್ತಳತೆಯಲ್ಲಿ ಗಸ್ತು ಗಂಟೆಗೆ 120 ಕಿ.ಮೀ. ವೇಗದಲ್ಲಿ ನೆಲಕ್ಕಿಳಿಯುತ್ತವೆ. ಇವು ಬೆಟ್ಟಗುಡ್ಡಗಳ ಎತ್ತರದ ಸುರಕ್ಷಿತ ಬಂಡೆಗಳ ಮೇಲೆ ಹಾಗೂ ಮರದಲ್ಲಿ ಗೂಡು ನಿರ್ಮಿಸುತ್ತವೆ.

ಇದನ್ನೂ ಓದಿ:ಶಿಕ್ಷಕ, ಪದವೀಧರ ಕ್ಷೇತ್ರಗಳ ಚುನಾವಣೆ: ಬಿಜೆಪಿ ಉಸ್ತುವಾರಿಗಳ ನೇಮಕ

Advertisement

ಗಜೇಂದ್ರಗಡ ಸೇರಿ ಸುತ್ತಲಿನ ಬೆಟ್ಟಗಳಲ್ಲಿ ಬಹು ವರ್ಷಗಳ ಬಳಿಕ ರಣಹದ್ದು ಕಂಡು ಬಂದಿರುವುದು ಸಂತಸ ತಂದಿದೆ. ಅಳಿವಿನ ಅಂಚಿನಲ್ಲಿರುವ ಭಾರತೀಯ ಮೂಲದ ರಣಹದ್ದು ಸಂತತಿ ಉಳಿವಿಗೆ ನಮ್ಮೆಲ್ಲರ ಸಹಕಾರ ಮುಖ್ಯವಾಗಿದೆ.
-ಮಂಜುನಾಥ ಎಸ್‌. ನಾಯಕ್‌,
ಜೀವ ವೈವಿಧ್ಯ ಸಂಶೋಧಕರು.

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next