French ಓಪನ್‌ ಗ್ರ್ಯಾನ್‌ ಸ್ಲಾಮ್‌; ಅಲ್ಕರಾಜ್‌ಗೆ ಪ್ರಶಸ್ತಿ

ಪ್ಯಾರಿಸ್‌: ಫ್ರೆಂಚ್‌ ಓಪನ್‌ ಗ್ರ್ಯಾನ್‌ ಸ್ಲಾಮ್‌ನ ಪುರುಷರ ಸಿಂಗಲ್ಸ್‌ ಪ್ರಶಸ್ತಿಯನ್ನು ಸ್ಪೇನ್‌ನ ಕಾರ್ಲೋಸ್‌ ಅಲ್ಕರಾಜ್‌ ಗಾರ್ಫಿಯ ಗೆದ್ದುಕೊಂಡಿದ್ದಾರೆ. ರವಿವಾರ ನಡೆದ ಫೈನಲ್‌ ಹೋರಾಟದಲ್ಲಿ ಅಲ್ಕರಾಜ್‌ ಅವರು 6-3, 2-6, 5-7, 6-1, 6-2 ಸೆಟ್‌ಗಳಿಂದ ಜರ್ಮನಿಯ ಅಲೆಕ್ಸಾಂಡರ್‌ ಜ್ವರೇವ್‌ ಅವರನ್ನು ಸೋಲಿಸಿದರು. ಅಲ್ಕರಾಜ್‌ ಇಲ್ಲಿ ಇದೇ ಮೊದಲ ಸಲ ಪ್ರಶಸ್ತಿ ಗೆದ್ದ ಸಾಧನೆ ಮಾಡಿದರು.

ಮೊದಲ ಸೆಟ್‌ ಜಯಿಸಿದ್ದ ಅಲ್ಕರಾಜ್‌ ಆಬಳಿಕ ಎರಡು ಮತ್ತು ಮೂರನೇ ಸೆಟ್‌ನಲ್ಲಿ ಸೋತಿದ್ದರು. ಆದರೆ ಆಬಳಿಕ ಎರಡು ಸೆಟ್‌ಗಳಲ್ಲಿ ಅಮೋಘವಾಗಿ ಆಡಿ ಗೆದ್ದ ಅವರು ಪ್ರಶಸ್ತಿಗೆ ಮುತ್ತಿಟ್ಟರು.

ಗಾಫ್, ಸಿನಿಯಕೋವಾಗೆ ಪ್ರಶಸ್ತಿ
ವನಿತೆಯರ ಡಬಲ್ಸ್‌ ಪ್ರಶಸ್ತಿಯನ್ನು ಅಮೆರಿಕದ ಕೊಕೊ ಗಾಫ್ ಮತ್ತು ಕ್ಯಾತರೀನಾ ಸಿನಿಯಕೋವಾ ಅವರು ಗೆದ್ದುಕೊಂಡಿದ್ದಾರೆ. ಫೈನಲ್‌ ಹೋರಾಟದಲ್ಲಿ ಗಾಫ್-ಸಿನಿಯಕೋವಾ ಅವರು ಇಟಲಿಯ ಸಾರಾ ಇರಾನಿ ಮತ್ತು ಜಾಸ್ಮಿನ್‌ ಪೌಲಿನಿ ಅವರನ್ನು 7-6 (7-5), 6-3 ಸೆಟ್‌ಗಳಿಂದ ಸೋಲಿಸಿದರು.