Advertisement
ವಾಯ್ಸ್ ಕಮಾಂಡ್‌ ಸೌಲಭ್ಯವುಳ್ಳ ಜಿಯೋ ಸ್ಮಾರ್ಟ್‌ ಫೋನ್ ನಲ್ಲಿ ಹಬ್ಬ ಹರಿದಿನಗಳ ಮಾಹಿತಿ ಸೇರಿದಂತೆ ಹಲವು ವಿಶೇಷ ಸೌಲಭ್ಯಗಳಿರುವ ಫೋನ್ ಅಗಸ್ಟ್‌ 15 ರಂದು ಮಾರುಕಟ್ಟೆಗೆ ಬರಲಿದೆ. ರಿಲಾಯನ್ಸ್‌ನ 40 ನೇ ವಾರ್ಷಿಕ ಸಾಮಾನ್ಯ ಸಭೆಯಲ್ಲಿ ಫೋನ್ ಬಿಡುಗಡೆ ಮಾಡಲಾಯಿತು.
Related Articles
Advertisement
ಜಿಯೋ ಧನ್‌ ಧನಾ ಪ್ಲಾನ್‌ ನಲ್ಲಿ ತಿಂಗಳಿಗೆ ಕೇವಲ 153 ರೂಪಾಯಿಗೆ ಅನ್‌ಲಿಮಿಟೆಡ್‌ ಡಾಟಾ. ಇದು ಜಿಯೋ ಸ್ಮಾರ್ಟ್‌ ಫೋನ್‌ನಲ್ಲಿ ಮಾತ್ರ ಲಭ್ಯ .ವಾಯ್ಸ್ ಕಾಲ್‌ ಈಗಿನಂತೆ ಉಚಿತವಾಗಿರಲಿದೆ.ಈ ಪ್ಯಾಕ್‌ ಹೊರತು ಪಡಿಸಿ 2 ದಿನಕ್ಕೆ 24 ರೂಪಾಯಿ ,ವಾರಕ್ಕೆ 54ರೂಪಾಯಿಗೆ ಅನ್‌ಲಿಮಿಟೆಟ್‌ ಡಾಟಾ ಲಭ್ಯವಾಗಲಿದೆ.
ಕೇವಲ ಜಿಯೋ ಫೋನ್ ಮೂಲಕ ಕೇಬಲ್‌ ಟಿವಿ ಸಂಪರ್ಕ ಒದಗಿಸಲಾಗುತ್ತಿದ್ದು, ಮಾಸಿಕ 309 ರೂಪಾಯಿ ಮಾತ್ರ .
ಪರಿಚಿತ ವಿನ್ಯಾಸಹೊಂದಿರುವ ಸ್ಮಾರ್ಟ್‌ ಫೋನ್ ಯಾರು ಕೂಡಾ ಬಳಕೆ ಮಾಡಬಹುದು ಎಂದು ಬಿಡುಗಡೆ ಮಾಡಿದ ಜಿಯೋ ಡೈರೆಕ್ಟರ್‌ಗಳಾದ ಆಕಾಶ್‌ ಮತ್ತು ಇಶಾ ಅಂಬಾನಿ ಹೇಳಿದರು.
ಫೋನ್ VoLTE (4G) ತಂತ್ರಜ್ಞಾನ ಹೊಂದಿದ್ದು, ಈ ತಂತ್ರಜ್ಞಾನ ಸಾಮಾನ್ಯ ಫೋನ್‌ಗಳಲ್ಲಿ ಲಭ್ಯವಿರುವುದಿಲ್ಲ. ಫೋನ್‌ನಲ್ಲಿ ಜಿಯೋ ಸಿನಿಮಾ, ಜಿಯೋ ಟಿವಿ ಮತ್ತು ಜಿಯೋ ಮ್ಯೂಸಿಕ್‌ನಂತಹ ಆ್ಯಪ್‌ಗಳು ಇವೆ.
125 ಮಿಲಿಯ ಗ್ರಾಹಕರೊಂದಿಗೆ ವಿಶ್ವದ ಅತ್ಯಂತ ವೇಗವಾಗಿ ಬೆಳೆಯುತ್ತಿರುವ ಕಂಪೆನಿ ಎಂಬ ಹೆಗ್ಗಳಿಕೆಗೆ ಜಿಯೋ ಪಾತ್ರವಾಗಿದೆ.