ಅಂಬರ್‌ಗ್ರೀಸ್‌ ಎಂದು ವಂಚನೆ: ಮೂವರ ಸೆರೆ

ಬೈಂದೂರು: ಹಳದಿ ಬಣ್ಣದ ಮೇಣದಂತಹ ವಸ್ತುವನ್ನು ಅಂಬರ್‌ಗ್ರೀಸ್‌ (ತಿಮಿಂಗಿಲದ ವಾಂತಿ) ಎಂದು ಮಾರಾಟ ಮಾಡಲು ಯತ್ನಿಸುತ್ತಿದ್ದ ಮೂವರನ್ನು ಯಡ್ತರೆ ಗ್ರಾಮದ ಹೊಸ ಬಸ್‌ ನಿಲ್ದಾಣದ ಬಳಿ ಬಂಧಿಸಲಾಗಿದೆ.

ನಿರಂಜನ (26), ಮಿಲನ್‌ ಮೊನಿಷ್‌ ಶೆಟ್ಟಿ (27) ಪೃಥ್ವಿ ಡಾಮ್ನಿಕ್‌ ಬಂಧಿತರು. ಬೈಂದೂರು ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಮಾರುಕಟ್ಟೆಯಲ್ಲಿ ನೈಜ ಅಂಬರ್‌ಗ್ರೀಸ್‌ಗೆ ಕೋಟ್ಯಂತರ ರೂಪಾಯಿ ಬೆಲೆಯಿದೆ. ಅದನ್ನು ಸುಗಂಧ್ರ ದ್ರವ್ಯ ಹಾಗೂ ಕೆಲವು ಔಷಧಿಗಳಿಗೆ ಬಳ ಸುವ ಕಾರಣ ಅದಕ್ಕೆ ಇಂಥ ಬೇಡಿಕೆ ಇದ್ದು, ಇದನ್ನೇ ಮುಂದಿಟ್ಟು ಕೆಲವರು ವಂಚನೆ ಮಾಡುತ್ತಿದ್ದಾರೆ.