ಕಡಲೂರು: ಸಿಮೆಂಟ್‌ ಲಾರಿಗೆ ಕಾರು ಢಿಕ್ಕಿ: ಮಹಿಳೆ ಸಹಿತ ನಾಲ್ವರ ಸಾವು

ಕಡಲೂರು : ಸಿಮೆಂಟ್‌ ಸಾಗಿಸುತ್ತಿದ್ದ ಲಾರಿಗೆ ಕಾರು ಢಿಕ್ಕಿ ಹೊಡೆದು ಸಂಭವಿಸಿದ ಭೀಕರ ಅಪಘಾತದಲ್ಲಿ ಓರ್ವ ಮಹಿಳೆ ಸಹಿತ ನಾಲ್ವರು ಮೃತಪಟ್ಟ ಘಟನೆ ಇಂದಿಲ್ಲಿ  ನಡೆದಿದೆ.

ಈ ಪ್ರದೇಶದಲ್ಲಿ ಬೆಳಗ್ಗೆ ದಟ್ಟನೆಯ ಮಂಜು ಮುಸಕಿದ್ದು ಗೋಚರತೆ ಅತ್ಯಂತ ಕಡಿಮೆ ಇದ್ದುದೇ ಈ ಅಪಘಾತಕ್ಕೆ ಕಾರಣವೆಂದು ತಿಳಿಯಲಾಗಿದೆ. 

ನಾಗೋರ್‌ ಕಡೆಗೆ ಹೋಗುತ್ತಿದ್ದ ಕಾರು ಪೆರಿಯಕಂಗಣಂ ಕುಪ್ಪಂ ಎಂಬ ಗ್ರಾಮದಲ್ಲಿ ಲಾರಿಗೆ ಢಿಕ್ಕಿಯಾಯಿತು ಎಂದು ಪೊಲೀಸರು ತಿಳಿಸಿದ್ದಾರೆ.

ಪ್ರಕರಣ ದಾಖಲಾಗಿದ್ದು ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.