ಗುಜರಾತ್‌: ಟ್ರಕ್ಕಿಗೆ ಕಾರು ಢಿಕ್ಕಿ; ಮಗು, ಮಹಿಳೆ ಸಹಿತ ನಾಲ್ವರ ಸಾವು

ವಡೋದರ : ಇಂದು ಸೋಮವಾರ ಬೆಳಗ್ಗೆ ಇಲ್ಲಿ ಕಾರೊಂದು ಟ್ರಕ್ಕಿಗೆ ಢಿಕ್ಕಿ ಹೊಡೆದು ಸಂಭವಿಸಿದ ಭೀಕರ ಅಪಘಾತದಲ್ಲಿ ಮಗು,ಮಹಿಳೆ ಸಹಿತ ಒಟ್ಟು ನಾಲ್ವರು ಮೃತಪಟ್ಟು ಇನ್ನಿಬ್ಬರು ಗಂಭೀರವಾಗಿ ಗಾಯಗೊಂಡರೆಂದು ಪೊಲೀಸರು ತಿಳಿಸಿದ್ದಾರೆ.

ಜಿಲ್ಲಾ ಕೇಂದ್ರದಿಂದು 20 ಕಿ.ಮೀ ದೂರದಲ್ಲಿರುವ ಕುರಾಳ್‌ ಗ್ರಾಮದಲ್ಲಿ ಈ ಭೀಕರ ಅವಘಡ ಬೆಳಗ್ಗೆ 5.30ರ ಹೊತ್ತಿಗೆ ಸಂಭವಿಸಿತು. ಕಾರಿನಲ್ಲಿ ಆರು ಮಂದಿ ಇದ್ದರು. ಕಾರು ಭಾವನರಗದಿಂದ ಮುಂಬಯಿಗೆ ಬರುತ್ತಿತ್ತು ಎಂದು ವಾಡು ಪೊಲೀಸ್‌ ಠಾಣಾಧಿಕಾರಿ ಹೇಳಿದರು. 

ಅಪಘಾತವಾಡದೊಡನೆಯೇ ಟ್ರಕ್‌ ಚಾಲಕ ಸ್ಥಳದಿಂದ ಪರಾರಿಯಾಗಿದ್ದಾನೆ. ಪೊಲೀಸರು ಕೇಸು ದಾಖಲಿಸಿಕೊಂಡು ತನಿಖೆ ನಡೆಸುತ್ತಿದ್ದಾರೆ.