ಸಿನಿಮೀಯ ಮಾದರಿಯಲ್ಲಿ 47 ಜಾನುವಾರುಗಳ ರಕ್ಷಣೆ

ನಾಗ್ಪುರ: ಟ್ರಕ್‌ವೊಂದರಲ್ಲಿ ಅಕ್ರಮವಾಗಿ ಸಾಗಿಸಲಾಗುತ್ತಿದ್ದ 47 ಜಾನುವಾರುಗಳನ್ನು ರವಿವಾರ ಪೊಲೀಸರು ರಕ್ಷಿಸಿದ್ದಾರೆ. ವಿಶೇಷವೆಂದರೆ, ಸಿನಿಮೀಯ ಮಾದರಿಯಲ್ಲಿ ಸುಮಾರು 40 ಕಿ.ಮೀ. ಬೆನ್ನಟ್ಟಿಕೊಂಡು ಹೋಗಿ ಈ ಕಾರ್ಯಾಚರಣೆ ಮಾಡಲಾಗಿದೆ. ಟ್ರಕ್‌ ಚಾಲಕನು 2 ಕಡೆ ಪೊಲೀಸ್‌ ಬ್ಯಾರಿಕೇಡ್‌ಗಳನ್ನೂ ಲೆಕ್ಕಿಸದೇ, ಅದರ ಮೇಲೆಯೇ ಟ್ರಕ್‌ ಹತ್ತಿಸಿಕೊಂಡು ಪರಾರಿಯಾಗಿದ್ದಾನೆ.

ಜತೆಗೆ ಒಂದು ಕಡೆ ಕಾರೊಂದಕ್ಕೂ ಢಿಕ್ಕಿ ಹೊಡೆದಿದ್ದಾನೆ. ಪೊಲೀಸರು 40 ಕಿ.ಮೀ. ಬೆನ್ನಟ್ಟಿಕೊಂಡು ಹೋಗಿದ್ದು, ಕೊನೆಗೆ ಚಾಲಕ ಟ್ರಕ್‌ ನಿಲ್ಲಿಸಿ ಪರಾರಿಯಾಗಿದ್ದಾನೆ. ಒಳಗಿದ್ದ ಎಲ್ಲ 47 ಜಾನುವಾರುಗಳನ್ನೂ ರಕ್ಷಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.