ಆಲೀಗಢ : ಆಲಿಗಢ ಮುಸ್ಲಿಂ ವಿಶ್ವವಿದ್ಯಾಲಯದ (ಎಎಂಯು) ವಿದ್ಯಾರ್ಥಿ ಸಂಘದ ಮಾಜಿ ಉಪಾಧ್ಯಕ್ಷನ ಮೇಲೆ ಅಪರಿಚಿತ ದುಷ್ಕರ್ಮಿಗಳು ಗುಂಡೆಸೆದು, ಚೂರಿಯಿಂದ ಇರಿದು ಗಾಯಗೊಳಿಸಿ ಪರಾರಿಯಾಗಿರುವುದಾಗಿ ಪೊಲೀಸರು ತಿಳಿಸಿದ್ದಾರೆ.
ಯುನಿವರ್ಸಿಟಿಯ ಪ್ರಾಕ್ಟರ್‌ ಪ್ರೊ| ಮೊಹ್ಸಿನ್‌ ಖಾನ್‌ ತಿಳಿಸಿರುವ ಪ್ರಕಾರ ಈ ಹಲ್ಲೆ, ಗುಂಡೆಸೆತದ ಘಟನೆಯು ನಿನ್ನೆ ಸೋಮವಾರ ತಡರಾತ್ರಿ ಸಿವಿಲ್‌ ಲೈನ್ಸ್‌ ಪ್ರದೇಶದಲ್ಲಿರುವ ಎಎಂಯು ಕ್ಯಾಂಪಸ್‌ಗೆ ತಾಗಿಕೊಂಡಿರುವ ದೋಧ್‌ಪುರ ಪ್ರದೇಶದಲ್ಲಿ ನಡೆದಿದೆ.
ಗುಂಡೇಟು ಮತ್ತು ಚೂರಿ ಇರಿತದಿಂದ ಗಾಯಗೊಂಡ ನದೀಂ ಅನ್ಸಾರಿ ಅವರನ್ನು ಒಡನೆಯೇ ಜವಾಹರಲಾಲ್‌ ನೆಹರೂ ಮೆಡಿಕಲ್‌ ಕಾಲೇಜು ಆಸ್ಪತ್ರೆಗೆ ಸೇರಿಸಲಾಗಿದೆ.
ಚಿಕಿತ್ಸೆ ನೀಡುತ್ತಿರುವ ವೈದ್ಯರ, ನದೀಂ ಅಪಾಯದಿಂದ ಪಾರಾಗಿದ್ದು ಅವರ ದೇಹಸ್ಥಿತಿ ಸ್ಥಿರವಾಗಿದೆ ಎಂದು ಹೇಳಿದ್ದಾರೆ.
ನದೀಂ ಅವರು ತಮ್ಮ ದ್ವಿಚಕ್ರ ವಾಹನದಲ್ಲಿ ಮನೆಗೆ ಮರಳುತ್ತಿದ್ದಾಗ ಅವರನ್ನು ಬಲವಂತದಿಂದ ತಡೆದ ಸಶಸ್ತ್ರ ಹಂತಕರು ನದೀಂ ಅವರನ್ನು ಚೂರಿಯಿಂದ ಇರಿದು ಗುಂಡೆಸೆದು ಪರಾರಿಯಾದರು ಎಂದು ಪೊಲೀಸರು ತಿಳಿಸಿದ್ದಾರೆ.
