ಸೇನಾ ಪಡೆ ದೇಶಕ್ಕೆ ಸೇರಿದ್ದು; ರಾಜಕೀಯ ಪಕ್ಷಕ್ಕಲ್ಲ: ಅಖೀಲೇಶ್‌

ಲಕ್ನೋ : ಸೇನಾ ಪಡೆ ದೇಶಕ್ಕೆ ಸೇರಿದ್ದೇ ಹೊರತು ಯಾವುದೇ ರಾಜಕೀಯ ಪಕ್ಷಕ್ಕೆ ಸೇರಿದ್ದಲ್ಲ ಎಂದು ಸಮಾಜವಾದಿ ಪಕ್ಷದ ಮುಖ್ಯಸ್ಥ ಅಖೀಲೇಶ್‌ ಯಾದವ್‌, ಪ್ರಧಾನಿ ಮೋದಿ ಅವರನ್ನು ಗುರಿ ಇರಿಸಿ ಹೇಳಿದ್ದಾರೆ.

ಬಿಜೆಪಿಯು ದೇಶದ ಸೇನೆಯೊಂದಿಗೆ ಚೆಲ್ಲಾಟವಾಡುತ್ತಿದೆ; ಅದನ್ನು ತನ್ನ ರಾಜಕೀಯ ಪ್ರಚಾರಕ್ಕಾಗಿ ಬಳಸಿಕೊಳ್ಳುತ್ತಿದೆ. ಸೇನಾ ಪಡೆ ಇಡಿಯ ದೇಶಕ್ಕೆ ಸೇರಿದ್ದೇ ವಿನಾ ಯಾವುದೇ ರಾಜಕೀಯ ಪಕ್ಷಕ್ಕಲ್ಲ ಎಂದು ಅಖೀಲೇಶ್‌ ಹೇಳಿದರು. 

ಸೇನೆಯ ಸಮವಸ್ತ್ರವನ್ನು ತೊಡುವುದು ಶಿಕ್ಷಾರ್ಹ ಅಪರಾಧ; ಹಾಗಿದ್ದರೂ ಬಿಜೆಪಿಯ ಕೆಲವು ನಾಯಕರು ಸೇನಾ ಸಮವಸ್ತ್ರ ಧರಿಸಿ ಚುನಾವಣಾ ಪ್ರಚಾರಾಭಿಯಾನ ಕೈಗೊಂಡಿದ್ದಾರೆ. ಇದು ಸರಿಯಲ್ಲ; ಇವರ ವಿರುದ್ಧ ಯಾರಾದರೂ ದೂರು ದಾಖಲಿಸಿದ್ದಾರೆಯೇ ? ಎಂದು ಯಾದವ್‌ ಪ್ರಶ್ನಿಸಿದರು.