ಕೋವಿಡ್ ನಿಂದ ಮೃತಪಟ್ಟ ಕುಟುಂಬಗಳಿಗೆ ರೆಡ್ ಕ್ರಾಸ್ ಸಂಸ್ಥೆ ನಿಂದ ಫುಡ್ ಕಿಟ್ ವಿತರಣೆ

ಕುಷ್ಟಗಿ: ಕೋವಿಡ್ ಎರಡನೇ ಅಲೆಯಲ್ಲಿ ಮೃತಪಟ್ಟ ಕುಟುಂಬಗಳಿಗೆ ಭಾರತೀಯ ರೆಡ್ ಕ್ರಾಸ್ ಸಂಸ್ಥೆ ಪುಡ್ ಕಿಟ್ ಹಾಗೂ ಹೊಲಿಗೆಯಂತ್ರಗಳನ್ನು ವಿತರಿಸಲಾಯಿತು.

ಕುಷ್ಟಗಿಯ ಸರ್ಕಾರಿ ಆಸ್ಪತ್ರೆಯ ಸಭಾಂಗಣದಲ್ಲಿ ನಡೆದ ಸರಳ  ಕಾರ್ಯಕ್ರಮದಲ್ಲಿ ಕೋವಿಡ್ ನಿಂದ ಮೃತ ಕುಟುಂಬಗಳ ಪೈಕಿ 10 ಜನರಿಗೆ ಪುಡ್ ಕಿಟ್, 5 ಜನರಿಗೆ ಹೊಲಿಗೆ ಯಂತ್ರಗಳನ್ನು ವಿತರಿಸಲಾಯಿತು.

ತಾಲೂಕಾ ಸರ್ಕಾರಿ ಆಸ್ಪತ್ರೆಯ ಮುಖ್ಯಾಧಿಕಾರಿ ಡಾ. ಕೆಎಸ್.ರಡ್ಡಿ ಮಾತನಾಡಿ, ರೆಡ್ ಕ್ರಾಸ್ ಸಂಸ್ಥೆ ಯುದ್ದ ಕಾಲದಲ್ಲಿ ಗಾಯಗೊಂಡವರ ಚಿಕಿತ್ಸೆ ಆರೈಕೆಗಾಗಿ ಹುಟ್ಟಿಕೊಂಡ ಸಂಸ್ಥೆ ಇದೀಗ ಮಾನವೀಯ ಸೇವೆಯಲ್ಲಿ ವಿಶ್ವವ್ಯಾಪಿಯಾಗಿದೆ. ಕೊರೊನಾ ಸಂಕಷ್ಟ ಕಾಲದಲ್ಲೂ ಕಾರ್ಯನಿರ್ವಹಿಸಿದ ಈ ಸಂಸ್ಥೆ ಕೋವಿಡ್ ನಿಂದ ಮೃತ ಕುಟುಂಬಗಳ ಸಹಾಯಕ್ಕೆ ಮುಂದಾಗಿರುವುದು ಶ್ಲಾಘನೀಯವಾಗಿದೆ ಎಂದರು. ಓಮಿಕ್ರಾನ್ ಬಹುಬೇಗ ಹರಡುವ ಸಾದ್ಯತಗಳಿದ್ದು ಮುನ್ನೆಚ್ಚರಿಕ್ರಮಗಳ ಜಾಗ್ರತೆವಹಿಸಬೇಕೆಂದರು.

ಈ ಸಂದರ್ಭದಲ್ಲಿ ಅಧ್ಯಕ್ಷ ಡಾ. ವಿಜಯಕುಮಾರ ಬಿರಾದಾರ, ಡಾ. ರವಿಕುಮಾರ ದಾನಿ, ಡಾ.ಬಸವರಾಜ ವಸ್ತ್ರದ್, ಡಾ.ಮಂಜುನಾಥ ಗೊಂಡಬಾಳ, ಮಹಾಂತಯ್ಯ ಅರಳಲಿಮಠ,ಅಪ್ಪಣ್ಣ ನವಲೆ, ಮಲ್ಲಿಕಾರ್ಜುನ ಬಳಿಗಾರ, ಬಾಲಾಜಿ ಬಳಿಗಾರ, ಸುಬಾನಿ ಆರ್.ಟಿ. ಮತ್ತೀತರಿದ್ದರು.