ಮಗುಚಿದ ಲಾರಿಗೆ ಬೆಂಕಿ : ಇಬ್ಬರ ಸಜೀವ ದಹನ

ಕಾಸರಗೋಡು: ಫ್ಲೈವುಡ್‌ ಹೇರಿಕೊಂಡು ಹೋಗುತ್ತಿದ್ದ ಲಾರಿಗೆ ಕಟ್ಟಿದ್ದ ಹಗ್ಗ ತುಂಡಾದ್ದರಿಂದ ನಿಯಂತ್ರಣ ತಪ್ಪಿದ ಲಾರಿ ಮಗುಚಿದ್ದಲ್ಲದೆ ಬೆಂಕಿ ಹತ್ತಿಕೊಂಡು ಚಾಲಕ ಮತ್ತು ನಿರ್ವಾಹಕ ಸಜೀವ ದಹಿಸಿದ ಘಟನೆ ಮಂಗಳವಾರ ರಾತ್ರಿ ರಾಷ್ಟ್ರೀಯ ಹೆದ್ದಾರಿಯ ಚೌಕಿ ಕಲ್ಲಂಗೈಯಲ್ಲಿ ಸಂಭವಿಸಿದೆ.

ಕರ್ನಾಟಕದ ಅಶೋಕ್‌ (29) ಮತ್ತು ಪ್ರದೀಪ್‌ (29) ಮೃತಪಟ್ಟವರು. ರಕ್ಷಿಸಲು ಹೋದ ಸ್ಥಳೀಯರಾದ ಸವಾದ್‌, ಶಾಫಿ ಅವರು ಗಾಯಗೊಂಡಿದ್ದಾರೆ. ಫ್ಲೈವುಡ್‌ ಅಂಟಿಸುವ ರಾಸಾಯನಿಕ ಚಾಲಕನ ಕ್ಯಾಬಿನ್‌ ಒಳಗೆ ಇದ್ದದ್ದು ಬೆಂಕಿ ತ್ವರಿತವಾಗಿ ಲಾರಿಯನ್ನು ವ್ಯಾಪಿಸಲು ಕಾರಣ.