ಮೈಸೂರಿನ ಮನೆಯೊಂದರಲ್ಲಿ ಅಳಿವಿನಂಚಿನಲ್ಲಿರುವ ಹಾರುವ ಹಾವು ಪತ್ತೆ!

ಮೈಸೂರು: ನಗರದ ಮನೆಯೊಂದರಲ್ಲಿ ಅಳಿವಿನಂಚಿನಲ್ಲಿರುವ ಹಾರುವ ಹಾವೊಂದು (ಆರ್ನೇಟ್ ಫ್ಲೈಯಿಂಗ್ ಸ್ನೇಕ್) ಗುರುವಾರ ಕಾಣಿಸಿಕೊಂಡಿದೆ.

ರಾಮಾನುಜ ರಸ್ತೆಯ ಮನೆಯ ಆವರಣದಲ್ಲಿ ಬೆಳಿಗ್ಗೆ ಕಾಣಿಸಿಕೊಂಡಿದ್ದು, ಸ್ಥಳೀಯರು ಈ ಹಾವನ್ನು ಕುತೂಹಲದಿಂದ ವೀಕ್ಷಿಸಿ ಫೋಟೊ ತೆಗೆದಿದ್ದಾರೆ.

ಬಳಿಕ ಉರಗ ತಜ್ಞರಿಗೆ ಮಾಹಿತಿ ನೀಡಿದ್ದಾರೆ. ಅವರು ಸ್ಥಳಕ್ಕೆ ಬರುವಷ್ಟರಲ್ಲಿ ಹಾರುವ ಹಾವು ನಾಪತ್ತೆಯಾಗಿದೆ.

ಹಾವಿನ ವಿಶೇಷ: ಅಳಿವಿನಂಚಿನಲ್ಲಿರುವ ಈ ಹಾವು ಪಶ್ಚಿಮಘಟ್ಟ, ದಟ್ಟಕಾಡಿನಲ್ಲಿ ಕಂಡುಬರುತ್ತದೆ. ಇದು ಮರದಿಂದ ಮರಕ್ಕೆ ಹಾರುತ್ತಾ ಪಕ್ಷಿಯ ಗೂಡುಗಳಲ್ಲಿರುವ ಮೊಟ್ಟೆ, ಸಣ್ಣ ಪಕ್ಷಿಗಳನ್ನ ಬಕ್ಷಿಸುತ್ತದೆ.

ಇದೆ ಮೊದಲ ಬಾರಿಗೆ ಮೈಸೂರಿನಲ್ಲಿ ಈ ಹಾವು ಕಾಣಿಸಿಕೊಂಡಿರುವುದು ಉರಗ ತಜ್ಞರು ಆಶ್ಚರ್ಯ ವ್ಯಕ್ತಪಡಿಸಿದ್ದು, ಪಶ್ಚಮಘಟ್ಟದಿಂದ ಬರುವ ಗೂಡ್ಸ್ ವಾಹನ ಮೂಲಕ ಬಂದಿರುವ ಸಾಧ್ಯತೆ ಇದೆ ಎಂದು ತಿಳಿಸಿದ್ದಾರೆ.