ರಾಜಸ್ಥಾನದಲ್ಲಿ ಟ್ಯಾಂಕರ್‌ಗೆ ಕಾರು ಢಿಕ್ಕಿಯಾಗಿ ಐವರ ದಾರುಣ ಸಾವು

ಜೈಪುರ : ರಾಜಸ್ಥಾನ ನಾಗೋರ್‌ ಜಿಲ್ಲೆಯಲ್ಲಿ  ಕಾರು ಟ್ಯಾಂಕರ್‌ಗೆ ಢಿಕ್ಕಿಯಾಗಿ ಕಾರೊಳಗಿದ್ದ ಐವರು ಮೃತಪಟ್ಟ  ದುರ್ಘ‌ಟನೆ ವರದಿಯಾಗಿದೆ.

ಸಿಕಾರ್‌ ಜಿಲ್ಲೆಯ ಬಾಜೋರ್‌ ಗ್ರಾಮದಲ್ಲಿ ಮದುವೆ ಸಮಾರಂಭದಲ್ಲಿ ಪಾಲ್ಗೊಳ್ಳಲು ಕಾರಿನಲ್ಲಿದ್ದವರು ಹೋಗುತ್ತಿದ್ದರು. ಅಪಘಾತವು ಮೌಲಾಸಾರ್‌ ಪೊಲೀಸ್‌ ಠಾಣೆ ವ್ಯಾಪ್ತಿ ಪ್ರದೇಶದಲ್ಲಿ ಘಟಿಸಿದೆ.

ಗೋಪಾಲ್‌ ಭಾರ್ತಿ, ರಾಕೇಶ್‌ ಭಾರ್ತಿ, ಆರತಿ ಮತ್ತು ಶ್ರೀಪಾಲ್‌ ಎಂಬವರು ಸ್ಥಳದಲ್ಲೇ ಮೃತಪಟ್ಟರು. ರಾಜು ಎಂಬವರು ಆಸ್ಪತ್ರೆಗೆ ಸಾಗಿಸಲ್ಪಡುತ್ತಲೇ ಕೊನೆಯುಸಿರೆಳೆದರು. 

ಮರಣೋತ್ತರ ಪರೀಕ್ಷೆಯ ಬಳಿಕ ಮೃತ ದೇಹಗಳನ್ನು ಕುಟುಂಬದವರಿಗೆ ಬಿಟ್ಟುಕೊಡಲಾಗಿದೆ ಎಂದು ಕೇಸು ದಾಖಲಿಸಿ ತನಿಖೆ ನಡೆಸುತ್ತಿರುವ ಪೊಲೀಸರು ತಿಳಿಸಿದ್ದಾರೆ.