ಬಿಕಾನೇರ್‌: ಜೀಪ್‌-ತೈಲ ಟ್ಯಾಂಕರ್‌ ನೇರ ಢಿಕ್ಕಿ; ಐವರ ದಾರುಣ ಸಾವು

ಬಿಕಾನೇರ್‌ : ಬಿಕಾನೇರ್‌ ಜಿಲ್ಲೆಯಲ್ಲಿ ಇಂದು ಮಂಗಳವಾರ ಬೆಳಗ್ಗೆ ಜೀಪ್‌ ಮತ್ತು ತೈಲ ಟ್ಯಾಂಕರ್‌ ನಡುವೆ ನೇರ ಢಿಕ್ಕಿ ಸಂಭವಿಸಿದ ಪರಿಣಾಮವಾಗಿ ಐದು ಜನರು ಮೃತಪಟ್ಟರೆಂದು ವರದಿಯಾಗಿದೆ.

ಬಿಕಾನೇರ್‌ – ಜೋಧ್‌ಪುರ ಹೆದ್ದಾರಿಯಲ್ಲಿನ ಪಲಾನಾ ಗ್ರಾಮಕ್ಕೆ ಸಮೀಪ ಈ ಭೀಕರ ದುರಂತ ಸಂಭವಿಸಿತೆಂದು ಪೊಲೀಸರು ತಿಳಿಸಿದ್ದಾರೆ.

ಅಪಘಾತದ ತೀವ್ರತೆಯಲ್ಲಿ ಜೀಪ್‌ ನಲ್ಲಿದ್ದ ಐವರು ಸ್ಥಳದಲ್ಲೇ ಸಾವಪ್ಪಿದ್ದಾರೆ. ಇವರ ಹೆಸರು, ವಿಳಾಸ, ಗುರುತು ಇತ್ಯಾದಿ ಯಾವುದೂ ತಿಳಿದಿಲ್ಲ. ಆ ನಿಟ್ಟಿನಲ್ಲಿ ಮಾಹಿತಿ ಪಡೆಯುವ ಪ್ರಯತ್ನ ನಡೆಸುತ್ತಿದ್ದೇವೆ ಎಂದು ಠಾಣಾಧಿಕಾರಿ ಸುಭಾಷ್‌ ಬಿಜರ್ನಿಯಾ ತಿಳಿಸಿದ್ದಾರೆ.