First in history; ಡೆಮಾಕ್ರಾಟ್‌ ಸಭೆಯಲ್ಲಿ ಕನ್ನಡಿಗನ ವೇದ ಘೋಷ

ಶಿಕಾಗೊ: ಅಮೆರಿಕದ ಆಡಳಿತಾರೂಢ ಡೆಮಾಕ್ರಟಿಕ್‌ ಪಕ್ಷದ ರಾಷ್ಟ್ರೀಯ ಸಮಾ ವೇಶದ 3ನೇ ದಿನ ವೇದಮಂತ್ರ ಗಳೊಂದಿಗೆ ಆರಂಭವಾಯಿತು. ಮೊದಲ ಬಾರಿಗೆ ಪಕ್ಷದ ಸಭೆ ವೇದ ಮಂತ್ರಗಳೊಂದಿಗೆ ಆರಂಭ ಆಯಿತು. ಉಡುಪಿ ಪೇಜಾವರ ಮಠದಲ್ಲಿ ಪುರೋಹಿ ತರಾಗಿದ್ದ ರಾಕೇಶ್‌ ಭಟ್‌ ವೇದ ಮಂತ್ರ ಘೋಷ ನಡೆಸಿಕೊಟ್ಟರು. “ನಾವೆಲ್ಲರೂ ಒಗ್ಗಟ್ಟಾಗಿರಬೇಕು. ಒಟ್ಟಾಗಿ ಚಿಂತಿಸ ಬೇಕು. ಇದರಿಂದ ಲೋಕ ಕಲ್ಯಾಣ ಆಗಲಿ. ನಮ್ಮನ್ನು ಬಲಿಷ್ಠಗೊಳಿಸಲಿ’ ಎಂದು ರಾಕೇಶ್‌ ಭಟ್‌ ಹೇಳಿದ್ದಾರೆ. ಸಭೆಯಲ್ಲಿ ವಸುಧೈವ ಕುಟುಂಬಕಂ, ಅಸತೋಮಾ ಸದ್ಗಮಯ ಮಂತ್ರಗಳನ್ನೂ ಪಠಿಸಲಾಯಿತು.

ಯಾರು ಈ ರಾಕೇಶ್‌ ಭಟ್‌?
ಅಮೆರಿಕದ ಮೇರಿಲ್ಯಾಂಡ್‌ನ‌ ಶಿವ ವಿಷ್ಣು ಮಂದಿರದಲ್ಲಿ ರಾಕೇಶ್‌ ಭಟ್‌ ಅರ್ಚಕರಾಗಿದ್ದಾರೆ. ಋಗ್ವೇದ ಮತ್ತು ಮಾಧ್ವ ಆಗಮ ತಂತ್ರಸಾರ ದಲ್ಲಿ ಶಿಕ್ಷಣ ಪಡೆದಿದ್ದಾರೆ. ಪೇಜಾ ವರ ಶ್ರೀಗಳು ಇವರ ಗುರುಗಳಾಗಿ ದ್ದಾರೆ. ಬೆಂಗಳೂರಿನ ಆಸ್ಟೀನ್‌ ಕಾಲೇಜಿನಲ್ಲಿ ಇಂಗ್ಲಿಷ್‌, ಕನ್ನಡ ಹಾಗೂ ಸಂಸ್ಕೃತ ಎಂಎ ಮಾಡಿ ದ್ದಾರೆ. ಕನ್ನಡ, ತಮಿಳು, ತೆಲುಗು, ಹಿಂದಿ, ಇಂಗ್ಲಿಷ್‌, ತುಳು ಭಾಷೆಗಳು ಬರುತ್ತವೆ. ಸೇಲಮ್‌ನಲ್ಲಿರುವ ರಾಘವೇಂದ್ರ ಸ್ವಾಮಿ ದೇಗುಲ ದಲ್ಲೂ ಪುರೋಹಿತರಾಗಿದ್ದರು. 2013ರಲ್ಲಿ ಅಮೆರಿಕಕ್ಕೆ ತೆರಳಿದರು.