ಕಪ್ಪು ರಂಧ್ರದ ಚಿತ್ರ ಬಿಡುಗಡೆ

ಪ್ಯಾರಿಸ್‌ (ಫ್ರಾನ್ಸ್‌): ನಕ್ಷತ್ರ ಪುಂಜಗಳನ್ನೇ ನುಂಗುವ, ಭೂಮಿಯಿಂದ 5 ಕೋಟಿ ಜ್ಯೋತಿ ವರ್ಷಗಳಷ್ಟು ದೂರವಿರುವ ಮಹಾ ದೈತ್ಯಾಕಾರದ ಕಪ್ಪು ರಂಧ್ರವೊಂದರ (ಬ್ಲಾಕ್‌ ಹೋಲ್‌) ಛಾಯಾಚಿತ್ರ ವೊಂದನ್ನು ಕ್ಲಿಕ್ಕಿಸುವಲ್ಲಿ ಖಗೋಳ ವಿಜ್ಞಾನಿಗಳು ಇದೇ ಮೊದಲ ಬಾರಿಗೆ ಯಶಸ್ವಿಯಾಗಿದ್ದಾರೆ. ಕಪ್ಪು ರಂಧ್ರದ ಸುತ್ತ ಕಿತ್ತಳೆ ಬಣ್ಣದ ಮಂದಾಗ್ನಿ ಉರಿಯುತ್ತಿರುವಂತೆ ಗೋಚರಿಸುತ್ತಿರುವ ಅದರ ಚಿತ್ರವನ್ನು ಬುಧವಾರ ಬಿಡುಗಡೆ ಮಾಡಲಾಗಿದೆ.