ಮನೆಗೆ ಬೆಂಕಿ: ಅಪಾರ ಹಾನಿ

ಬಜಪೆ: ತೆಂಕ ಎಕ್ಕಾರು ಗ್ರಾಮದ ಕಲ್ಲಜರಿಯ ರಮೇಶ್‌ ಶೆಟ್ಟಿ ಅವರ ಮನೆಗೆ ಸೋಮವಾರ ರಾತ್ರಿ ಬೆಂಕಿ ತಗುಲಿ ಅಪಾರ ನಷ್ಟ ಸಂಭವಿಸಿದೆ.

ಕೃಷಿಕ ರಮೇಶ್‌ ಶೆಟ್ಟಿ  ಹಾಗೂ ಮನೆಯವರು ರಾತ್ರಿ ಮಲಗಿದ್ದ ವೇಳೆ ಸುಮಾರು 11 ಗಂಟೆಗೆ ಬೆಂಕಿ ತಗಲಿದೆ. 12 ಗಂಟೆಯ ವೇಳೆ ಮನೆಯವರಿಗೆ ಬೆಂಕಿ ತಗಲಿದ ಬಗ್ಗೆ ಗೊತ್ತಾದಾಗ ಬೆಂಕಿ ಮನೆ ಮಳಿಗೆಗೆ ಹರಡಿತ್ತು.

ಮನೆಯಲ್ಲಿನ ದೈವದ ಕೋಣೆಗೆ ಮೊದಲು ಬೆಂಕಿ ತಗುಲಿತ್ತು.ದೈವದ ಮಂಚಗಳು ಬೆಂಕಿಗಾಹುತಿಯಾಗಿದ್ದು ,ಬಳಿಕ ಅಲ್ಲಿ ದಾಸ್ತಾನು ಮಾಡಿಟ್ಟ ಅಡಕೆ ಗೋಣಿ ಚೀಲಕ್ಕೆ ಬೆಂಕಿ ತಗುಲಿತ್ತು.ಬಳಿಕ ಮನೆ ಮಳಿಗೆಯಲ್ಲಿ ದಾಸ್ತಾನಾಗಿಟ್ಟಿ ಅಡಕೆ ಗೋಣಿ ಚೀಲಕ್ಕೆ ಬೆಂಕಿ ತಗುಲಿದೆ.ಸುಮಾರು 25 ಕ್ವಿಂಟಾಲ್‌ ಅಡಕೆ ಬೆಂಕಿಗಾಹುತಿಯಾಗಿದೆ.ಫೈಬಲ್‌ ಬಟ್ಟಿ ,ಮನೆ ಸಾಮಗ್ರಿಗಳು ಒಟ್ಟು 20 ಲಕ್ಷದಷ್ಟು ನಷ್ಟ ಸಂಭವಿಸಿರಬಹುವುದು ಎಂದು ಅಂದಾಜಿಸಲಾಗಿದೆ.

ಬೆಂಕಿ ನಂದಿಸಲು ಮನೆಯವರು ಹಾಗೂ ಪರಿಸರದವರು ಪ್ರಯತ್ನ ಮಾಡಿದ್ದರು.ಬಳಿಕ ಮಂಗಳೂರಿನಿಂದ ಅಗ್ನಿಶಾಮಕದಳದವರು .ಬಜಪೆ ಪೊಲೀಸರು ಸ್ಥಳಕ್ಕೆ ಆಗಮಿಸಿ,ಬೆಂಕಿ ನಂದಿಸುವಲ್ಲಿ ಸಫಲರಾಗಿದ್ದಾರೆ. ಜಿಲ್ಲಾ ಪಂಚಾಯತ್‌ ಉಪಾಧ್ಯಕ್ಷೆ ಕಸ್ತೂರಿ ಪಂಜಿ ಸ್ಥಳಕ್ಕೆ ಭೇಟಿ ನೀಡಿದ್ದಾರೆ.