ಮುಂಬಯಿ ದಾದರ್‌ ಮಾಲ್‌ನಲ್ಲಿ ಬೆಂಕಿ ಅನಾಹುತ; ಸಾವು ನೋವು ಇಲ್ಲ

ಮುಂಬಯಿ : ಮುಂಬಯಿ ಮಹಾನಗರಿಯ ದಾದರ್‌ನ ಓಂ ಗೋಪಾಲ್‌ ಮಾಲ್‌ನಲ್ಲಿರುವ ಬಟ್ಟೆ ಅಂಗಡಿಯೊಂದರಲ್ಲಿ ಇಂದು ಗುರುವಾರ ನಸುಕಿನ ವೇಳೆ ಬೆಂಕಿ ಅನಾಹುತ ಸಂಭವಿಸಿತು.

ಹತ್ತು ಅಗ್ನಿ ಶಾಮಕಗಳು ಧಾವಿಸಿ ಬಂದು ಮೂರು ತಾಸುಗಳ ಕಾಲ ಹೋರಾಡಿ ಬೆಂಕಿಯನ್ನು ನಂದಿಸುವಲ್ಲಿ ಸಫ‌ಲವಾದವು. 

ಬೆಂಕಿ ಅನಾಹುತದಲ್ಲಿ ಯಾವುದೇ ಜೀವ ಹಾನಿ ಸಂಭವಿಸಿಲ್ಲ; ಅಂತೆಯೇ ಯಾರಿಗೂ ಗಾಯಗಳಾಗಿಲ್ಲ. ಬಟ್ಟೆ ಅಂಗಡಿಗೆ ಆಗಿರುವ ನಾಶ ನಷ್ಟದ ವಿವರಗಳು ಇನ್ನಷ್ಟೇ ದೊರಕಬೇಕಾಗಿವೆ. 

ಮಾಲ್‌ನ ಮೊದಲ ಮಹಡಿಯಲ್ಲಿ ನಸುಕಿನ 1.30ರ ಹೊತ್ತಿಗೆ ಬೆಂಕಿ ಕಾಣಿಸಿಕೊಂಡ ಕೂಡಲೇ ವಾಚ್‌ಮ್ಯಾನ್‌ ಅಗ್ನಿ ಶಾಮಕ ದಳ ಮತ್ತು ಪೊಲೀಸರಿಗೆ ಮಾಹಿತಿ ನೀಡಿದ್ದರಿಂದ ಭಾರೀ ದೊಡ್ಡ ದುರಂತ ಸಂಭವಿಸುವುದು ತಪ್ಪಿತು.