Advertisement

ಪಣಜಿ: ಚಲಿಸುತ್ತಿದ್ದ ಕಾರಿಗೆ ಆಕಸ್ಮಿಕ ಬೆಂಕಿ

11:21 AM Aug 09, 2022 | Team Udayavani |

ಪಣಜಿ: ಚಲಿಸುತ್ತಿದ್ದ ಕಾರಿಗೆ ಬೆಂಕಿ ಹೊತ್ತಿಕೊಂಡ ಘಟನೆ ಪರ್ವರಿಯ ವಿದ್ಯಾ ಪ್ರಬೋಧನಿ ವಿದ್ಯಾಲಯದ ಬಳಿ ಭಾನುವಾರ ನಡೆದಿದೆ. ಈ ಘಟನೆಯಲ್ಲಿ ಯಾವುದೇ ಪ್ರಾಣಹಾನಿ ಸಂಭವಿಸಿಲ್ಲವಾದರೂ ಹೆಚ್ಚಿನ ಹಾನಿ ಸಂಭವಿಸಿದೆ.

Advertisement

ಕರಂಜಾಲೆ ಪಣಜಿಯ ಸಂಜೀತ್, ತಮ್ಮ ಪತ್ನಿ ಹಾಗೂ ಏಳು ವರ್ಷದ ಮಗಳೊಂದಿಗೆ ಪರ್ವರಿಯಿಂದ ಪಣಜಿಗೆ ಕಾರಿನಲ್ಲಿ ತೆರಳುತ್ತಿದ್ದರು. ಪರ್ವರಿಯಲ್ಲಿರುವ ವಿದ್ಯಾ ಪ್ರಬೋಧಿನಿ ವಿದ್ಯಾಲಯದ ಬಳಿ ಅವರ ಕಾರಿನ ಲೈಟ್‍ಗಳು ಇದ್ದಕ್ಕಿದ್ದಂತೆ ಆಫ್ ಆಗಿದ್ದವು. ಈ ಕಾರಣದಿಂದಾಗಿ ಅವರು ಕಾರನ್ನು ರಸ್ತೆ ಬದಿಗೆ ಪಾರ್ಕ ಮಾಡಿ ಅದನ್ನು ಸರಿಪಡಿಸಲು ಯಾರನ್ನಾದರೂ ಕರೆಸುವ ಪ್ರಯತ್ನದಲ್ಲಿದ್ದರು.

ಆ ಸಮಯದಲ್ಲೇ ಕಾರಿನ ಇಂಜಿನ್‍ನಿಂದ ಹೊಗೆ ಬರುತ್ತಿರುವುದನ್ನು ಕಂಡ ಕೂಡಲೇ ಅವರು ಪತ್ನಿ ಮತ್ತು ಮಗಳೊಂದಿಗೆ ಕಾರಿನಿಂದ ಇಳಿದರು. ಕೆಲವೇ ಕ್ಷಣಗಳಲ್ಲಿ ಕಾರು ಬೆಂಕಿಗೆ ಆಹುತಿಯಾಯಿತು.

ಅಪಘಾತದ ಸಮಯದಲ್ಲಿ ಅವರ ಮೊಬೈಲ್ ಫೋನ್ ಕಾರಿನಲ್ಲಿಯೇ ಉಳಿದಿದ್ದರಿಂದ ಅದು ಕೂಡ ಸುಟ್ಟು ಹೋಗಿದೆ.

ಮಾಹಿತಿ ತಿಳಿದ ಕೂಡಲೇ ಅಗ್ನಿಶಾಮಕ ದಳ ಸ್ಥಳಕ್ಕೆ ಧಾವಿಸಿದೆ ಆದರೂ ಅದಾಗಲೇ ಕಾರು ಸಂಪೂರ್ಣ ಸುಟ್ಟು ಕರಕಲಾಗಿದೆ ಎಂದು ತಿಳಿದು ಬಂದಿದೆ.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next