ಬೆಳೆದಿದ್ದ ಬೆಳ್ಳುಳ್ಳಿಗೆ ಸೂಕ್ತ ಬೆಲೆ ಸಿಗದ್ದಕ್ಕೆ ಬೆಳ್ಳುಳ್ಳಿಗೇ ಬೆಂಕಿ ಇಟ್ಟ!

ಮಂದಸೌರ್‌: ಬೆಳೆದಿದ್ದ ಬೆಳ್ಳುಳ್ಳಿಗೆ ಸೂಕ್ತ ಬೆಲೆ ಸಿಗದ ಹಿನ್ನೆಲೆಯಲ್ಲಿ ಸಿಟ್ಟಿಗೆದ್ದ ಶಂಕರ್‌ ಸಿಂಗ್‌ ಎಂಬ ರೈತ 160ಕೆಜಿ ಬೆಳ್ಳುಳ್ಳಿಗೆ ಬೆಂಕಿಯಿಟ್ಟಿರುವ ಘಟನೆ ಮಧ್ಯಪ್ರದೇಶದ ಮಂದಸೌರ್‌ನಲ್ಲಿ ನಡೆದಿದೆ.

160ಕೆಜಿ ಬೆಳ್ಳುಳ್ಳಿಯನ್ನು 5 ಸಾವಿರ ರೂ. ವೆಚ್ಚ ಮಾಡಿಕೊಂಡು ಮಂದಸೌರ್‌ನ ಮಂಡಿಗೆ ತಂದಿದ್ದಾನೆ.

ಆದರೆ ಮಂಡಿಯಲ್ಲಿ ಆತನ ಬೆಳ್ಳುಳ್ಳಿಗೆ 1,100 ರೂ. ಬೆಲೆ ನಿಗದಿ ಮಾಡಲಾಯಿತು. ಇದರಿಂದಾಗಿ ಸಿಟ್ಟಿಗೆದ್ದ ಆತ ಮಂಡಿಯಲ್ಲೇ ತಾನು ತಂದಿದ್ದ ಬೆಳ್ಳುಳ್ಳಿಗೆ ಬೆಂಕಿ ಹಚ್ಚಿದ್ದಾನೆ.

2.5 ಲಕ್ಷ ರೂ. ಖರ್ಚು ಮಾಡಿ ಬೆಳೆದಿದ್ದ ಬೆಳೆಗೆ ಕೇವಲ 1 ಲಕ್ಷ ರೂ. ಸಿಕ್ಕಿದ್ದಾಗಿ ಆತ ಹೇಳಿದ್ದಾನೆ. ಮಂಡಿಯ ಸಿಬ್ಬಂದಿ ಬೆಂಕಿ ನಂದಿಸಿದ್ದಾರೆ.