ನಟ, ರಂಗ ಭೂಮಿ ಕಲಾವಿದ ದಿನ್ಯಾರ್‌ ಕಂಟ್ರಾಕ್ಟರ್‌ ನಿಧನ

ಮುಂಬಯಿ: ಹಿಂದಿ ಚಿತ್ರರಂಗದ ಹಿರಿಯ ನಟ, ರಂಗ ಭೂಮಿ ಕಲಾವಿದ ದಿನ್ಯಾರ್‌ ಕಂಟ್ರಾಕ್ಟರ್‌ (79) ಬುಧವಾರ ನಿಧನರಾಗಿದ್ದಾರೆ.

ವಯೋಸಹಜ ಆರೋಗ್ಯ ಸಮಸ್ಯೆ ಯಿಂದ ಅವರು ನರಳುತ್ತಿದ್ದರು. ಮುಂಬಯಿನ ವರ್ಲಿ ಪ್ರಾಂತ್ಯದಲ್ಲಿ ಅವರ ಅಂತ್ಯ ಕ್ರಿಯೆ ಬುಧವಾರ ನೆರವೇರಿತು. “ಚೋರಿ ಚೋರಿ ಚುಪೆR ಚುಪೆ’, “ಖೀಲಾಡಿ’, “ಬಾದ್‌ ಶಾ’,”ದರಾರ್‌’, “36 ಚೀನ ಟೌನ್‌’ ಮುಂತಾದ ಚಿತ್ರಗಳಲ್ಲಿ ಅಭಿನಯಿಸಿದ್ದ ಅವರ ಕಲಾಸೇವೆಯನ್ನು ಗುರುತಿಸಿ ಅವರಿಗೆ ಭಾರತ ಸರಕಾರ ಪದ್ಮಶ್ರೀ ಗೌರವ ನೀಡಿ ಪುರಸ್ಕರಿಸಿತ್ತು. ಕಂಟ್ರಾಕ್ಟರ್‌ ನಿಧನಕ್ಕೆ ಪ್ರಧಾನಿ ನರೇಂದ್ರ ಮೋದಿ, ಕೇಂದ್ರ ಸಚಿವೆ ಸ್ಮತಿ ಇರಾನಿ ಸೇರಿ ಶೋಕ ವ್ಯಕ್ತಪಡಿಸಿದ್ದಾರೆ.