3 ನಾಗ್‌ ಕ್ಷಿಪಣಿಗಳ ಪ್ರಯೋಗ

ಹೊಸದಿಲ್ಲಿ: ಟ್ಯಾಂಕ್‌ ಧ್ವಂಸ ಮಾಡುವ ನಾಗ್‌ ಕ್ಷಿಪಣಿಗಳನ್ನು ಸೇನೆಗೆ ನಿಯೋಜಿಸುವ ದಿಕ್ಕಿನಲ್ಲಿ ಮಹತ್ವದ ಪ್ರಗತಿಯನ್ನು ಡಿಆರ್‌ಡಿಒ ಸಾಧಿಸಿದ್ದು, ಸೋಮವಾರ ಮೂರು ಕ್ಷಿಪಣಿಗಳನ್ನು ಯಶಸ್ವಿಯಾಗಿ ಪ್ರಯೋಗಿಸಿದೆ.

ಪೋಖಾÅನ್‌ನಲ್ಲಿ ಈ ಕ್ಷಿಪಣಿ ಪ್ರಯೋಗ ನಡೆದಿದ್ದು, ಮೂರೂ ಕ್ಷಿಪಣಿಗಳು ನಿಗದಿತ ಗುರಿ ತಲುಪಿವೆ. ಕಳೆದ ವರ್ಷವಷ್ಟೇ ಈ ನಾಗ್‌ ಕ್ಷಿಪಣಿ ವ್ಯವಸ್ಥೆಯನ್ನು ಡಿಆರ್‌ಡಿಒ 524 ಕೋಟಿ ರೂ. ವೆಚ್ಚದಲ್ಲಿ ಅಂತಿಮಗೊಳಿಸಿತ್ತು. ಈ ಕ್ಷಿಪಣಿ ಅತ್ಯಾಧುನಿಕವಾಗಿದ್ದು, ಹಗಲು ಹಾಗೂ ರಾತ್ರಿಯಲ್ಲೂ ಕೆಲಸ ಮಾಡಿ, ಟ್ಯಾಂಕ್‌ಗಳನ್ನು ಧ್ವಂಸಗೊಳಿಸಬಲ್ಲದು. ಈ ಕ್ಷಿಪಣಿಗಳು ಭಾರತೀಯ ಸೇನಾಪಡೆಗೆ ಅತ್ಯಂತ ಮಹತ್ವದ ಸಾಮರ್ಥ್ಯ ನೀಡಲಿವೆ. ಮುಂದಿನ ದಿನಗಳಲ್ಲಿ ಇದರ ಇನ್ನಷ್ಟು ಪ್ರಯೋಗಗಳನ್ನು ನಡೆಸುವ ಸಾಧ್ಯತೆಯಿದೆ.