ಮ.ಪ್ರ. ಮಾಜಿ ಸಚಿವ ದಯಾಲ್‌ ಸಿಂಗ್‌ ತುಮ್ರಾಚಿ ನಿಧನ

ಮಾಂಡ್ಲಾ, ಮಧ್ಯಪ್ರದೇಶ : ಮಧ್ಯಪ್ರದೇಶದ ಮಾಜಿ ಸಚಿವ ಮತ್ತು ಹಿರಿಯ ಬುಡಕಟ್ಟು ನಾಯಕ ದಯಾಲ್‌ ಸಿಂಗ್‌ ತುಮ್ರಾಚಿ ಅವರು ಅಲ್ಪ ಕಾಲದ ಅಸ್ವಾಸ್ಥ್ಯದ ಬಳಿಕ ಭೋಪಾಲ್‌ ಆಸ್ಪತ್ರೆಯಲ್ಲಿ ಇಂದು ನಸುಕಿನ ವೇಳೆ ನಿಧನ ಹೊಂದಿದರು. ಅವರಿಗೆ 69 ವರ್ಷ ಪ್ರಾಯವಾಗಿತ್ತು.

ತುಮ್ರಾಚಿ ಅವರು ಪತ್ನಿ, ಓರ್ವ ಪುತ್ರ ಮತ್ತು ಇಬ್ಬರು ಪುತ್ರಿಯರನ್ನು ಅಗಲಿದ್ದಾರೆ. 

ತುಮ್ರಾಚಿ ಅವರು ಮಾಜಿ ಮುಖ್ಯಮಂತ್ರಿ ಶ್ಯಾಮಚರಣ್‌ ಶುಕ್ಲಾ ಮತ್ತು ದಿಗ್ವಿಜಯ್‌ ಸಿಂಗ್‌ ಅವರ ಸಂಪುಟಗಳಲ್ಲಿ ಸಚಿವರಾಗಿದ್ದರು. 1985ರಲ್ಲಿ ಅವರು ಮೊದಲ ಬಾರಿಗೆಮಾಂಡ್ಲಾ ಜಿಲ್ಲೆಯ ನಿವಾಸ್‌ ಕ್ಷೇತ್ರದಿಂದ ಕಾಂಗ್ರೆಸ್‌ ಶಾಸಕರಾಗಿ ಚುನಾಯಿತರಾಗಿದ್ದರು. 1993ರಲ್ಲಿ ಪುನಃ ಅವರು ಇದೇ ಕ್ಷೇತ್ರದಿಂದ ಚುನಾಯಿತರಾಗಿದ್ದರು.