ವಿಶ್ವಬ್ಯಾಂಕ್‌ಗೆ ಭಾರತ ಮೂಲದ ಅಜಯ್‌ ಬಂಗಾ ಅಧ್ಯಕ್ಷ

ಹೊಸದಿಲ್ಲಿ: ಅಮೆರಿಕ ಅಧ್ಯಕ್ಷ ಜೋ ಬೈಡೆನ್‌ ಅವರು ಭಾರತೀಯ ಮೂಲದವರಾದ, ಮಾಸ್ಟರ್‌ಕಾರ್ಡ್‌ನ ಮಾಜಿ ಸಿಇಒ ಅಜಯ್‌ ಬಂಗಾ(63) ಅವರನ್ನು ವಿಶ್ವಬ್ಯಾಂಕ್‌ ಅಧ್ಯಕ್ಷ ಹುದ್ದೆಗೆ ನಾಮನಿರ್ದೇಶನ ಮಾಡಿದ್ದಾರೆ.

ಇತಿಹಾಸದ ಈ ನಿರ್ಣಾಯಕ ಘಟ್ಟದಲ್ಲಿ ವಿಶ್ವಬ್ಯಾಂಕ್‌ ಅನ್ನು ಮುನ್ನಡೆಸುವ ಸಾಮರ್ಥ್ಯವನ್ನು ಅಜಯ್‌ ಹೊಂದಿದ್ದಾರೆ ಎಂದೂ ಬೈಡೆನ್‌ ಹೇಳಿದ್ದಾರೆ.

ವಿಶ್ವಬ್ಯಾಂಕ್‌ನ ಪ್ರಸ್ತುತ ಅಧ್ಯಕ್ಷರಾಗಿರುವ ಡೇವಿಡ್‌ ಮಲ್ಪಾಸ್‌ ಅವರು ಹುದ್ದೆಯಿಂದ ಕೆಳಗಿಳಿಯುವುದಾಗಿ ಜೂನ್‌ ಅಂತ್ಯದಲ್ಲಿ ಘೋಷಿಸಿದ್ದರು.