Haryana ಚುನಾವಣೆ ನಾಳೆ ನಡೆದರೂ ನಾವು ಸಿದ್ಧ: ಕಾಂಗ್ರೆಸ್‌ಗೆ ಬಿಜೆಪಿ

ಚಂಡೀಗಢ: “ಹರಿಯಾಣದಲ್ಲಿ ನಾಳೆಯೇ ಚುನಾವಣೆ ನಡೆಸಿದರೂ ಅದನ್ನೆದುರಿಸಲು ಬಿಜೆಪಿ ತಯಾರಿದೆ’ ಎಂದು ಬಿಜೆಪಿ ಹಿರಿಯ ನಾಯಕ ಅನಿಲ್‌ ವಿಜ್‌ ರವಿವಾರ ಹೇಳಿದ್ದಾರೆ. ಅ.1ಕ್ಕೆ ನಿಗದಿ ಯಾಗಿರುವ ಚುನಾವಣೆಯನ್ನು ಮುಂದೂಡುವಂತೆ ಬಿಜೆಪಿ ಮನವಿಯನ್ನು ಕಾಂಗ್ರೆಸ್‌ ಟೀಕಿಸಿದ್ದ ಬೆನ್ನಲ್ಲೇ ಈ ಬೆಳವಣಿಗೆ ನಡೆದಿದೆ.

ಸೆ.28, 29 ಶನಿವಾರ- ರವಿವಾರವಾಗಿದ್ದು, ಜನ ಸೆ.30ಕ್ಕೆ ರಜೆ ಪಡೆದರೆ ಅ.1ರಂದು ಚುನಾವಣೆ ನಿಮಿತ್ತ ರಜೆ ಇರುತ್ತದೆ. ಅ.2 ಗಾಂಧಿ ಜಯಂತಿ. ಹೀಗೆ ಸಾಲು ರಜೆಗಳಿರುವ ಕಾರ ಣ ಮತದಾರರು ಪ್ರವಾಸಕ್ಕೆ ತೆರಳಿದರೆ ಮತ ಪ್ರಮಾಣ ಕಡಿಮೆಯಾಗುತ್ತದೆ ಹಾಗಾಗಿ ದಿನಾಂಕ ಬದಲಿಸ ಬೇಕೆಂದು ಬಿಜೆಪಿ ಮನವಿ ಮಾಡಿತ್ತು. ಬಿಜೆಪಿಗೆ ಸೋಲಿನ ಭಯ ಎಂದು ಕಾಂಗ್ರೆಸ್‌ ವ್ಯಂಗ್ಯ ಮಾಡಿತ್ತು. ಅದಕ್ಕೆ ಬಿಜೆಪಿ ಈಗ ತಿರುಗೇಟು ನೀಡಿದೆ.