ಸ್ಯಾನ್ ಫ್ರಾನ್ಸಿಸ್ಕೋ: ಸದಾ ಚರ್ಚೆಯಲ್ಲಿರುವ ಖ್ಯಾತ ಉದ್ಯಮಿ ಎಲಾನ್ ಮಸ್ಕ್ ಅವರು ಇದೀಗ ವಿಶ್ವದ ಅತ್ಯಂತ ಶ್ರೀಮಂತ ಉದ್ಯಮಿಗಳ ಪಟ್ಟಿಯಲ್ಲಿ ಮೊದಲ ಸ್ಥಾನಕ್ಕೇರಿದ್ದಾರೆ. ಬುಧವಾರ ಎಲಾನ್ ಮಸ್ಕ್ ಅವರು ಬೆರ್ನಾರ್ಡ್ ಅರ್ನಾಲ್ಟ್ ಅವರನ್ನು ಹಿಂದಿಕ್ಕಿ ಅಗ್ರ ಸ್ಥಾನಕ್ಕೇರಿದ್ದಾರೆ.
Advertisement
ವಿಶ್ವದ 500 ಶ್ರೀಮಂತ ಉದ್ಯಮಿಗಳ ಪಟ್ಟಿ ಮಾಡುವ ಬ್ಲೂಮ್ ಬರ್ಗ್ ಬಿಲಿಯನೇರ್ ಇಂಡೆಕ್ಸ್ ನಲ್ಲಿ ಈ ವರ್ಷ ಈ ಇಬ್ಬರೂ ಉದ್ಯಮಿಗಳು ತೀವ್ರ ಸ್ಪರ್ಧೆಯಲ್ಲಿದ್ದರು.
ಟೆಕ್ ಉದ್ಯಮವು ಕಷ್ಟದಲ್ಲಿದ್ದಾಗ ಅರ್ನಾಲ್ಟ್ ಡಿಸೆಂಬರ್‌ನಲ್ಲಿ ಮಸ್ಕ್ ಅವರನ್ನು ಮೀರಿಸಿದ್ದರು. ಅರ್ನಾಲ್ಟ್ ಅವರು ಲೂಯಿ ವಿಟಾನ್, ಫೆಂಡಿ ಮತ್ತು ಹೆನ್ನೆಸ್ಸಿ ಸೇರಿದಂತೆ ಬ್ರಾಂಡ್‌ ಗಳನ್ನು ಸ್ಥಾಪಕರಾಗಿದ್ದಾರೆ.
ಎಲಾನ್ ಮಸ್ಕ್ ಅವರು ಈ ವರ್ಷ ಪ್ರಮುಖವಾಗಿ ಟೆಸ್ಲಾ ಕಾರಣದಿಂದ 55.3 ಬಿಲಿಯನ್ ಡಾಲರ್ ಹೆಚ್ಚುವರಿ ಗಳಿಸಿದ್ದಾರೆ. ಸೂಚ್ಯಂಕದ ಪ್ರಕಾರ ಮಸ್ಕ್ ಸಂಪತ್ತು ಈಗ ಸುಮಾರು 192.3 ಶತಕೋಟಿ ಡಾಲರ್ ಮೌಲ್ಯದ್ದಾಗಿದೆ, ಆದರೆ ಅರ್ನಾಲ್ಟ್ ಸುಮಾರು 186.6 ಬಿಲಿಯನ್ ಡಾಲರ್ ಆಗಿದೆ.