ಭದ್ರಾ ಹುಲಿ ಸಂರಕ್ಷಿತ ಅರಣ್ಯ ಪ್ರದೇಶದಲ್ಲಿ ಆನೆ ಮರಿಯ ಮೃತದೇಹ ಪತ್ತೆ

ಚಿಕ್ಕಮಗಳೂರು: ಜಿಲ್ಲೆಯ ಭದ್ರಾ ಹುಲಿ ಸಂರಕ್ಷಿತ ಅರಣ್ಯ ಪ್ರದೇಶದ ಮತ್ತೋಡಿ ವನ್ಯ ಜೀವಿ ವಿಭಾಗದ ಹೆಬ್ಬೆ ವಲಯದಲ್ಲಿ ಶುಕ್ರವಾರ ಗಂಡು ಆನೆ ಮರಿಯೊಂದು ಮೃತಪಟ್ಟಿದ್ದು, ಅರಣ್ಯದಲ್ಲಿರುವ ಹಳ್ಳದಲ್ಲಿ ಆನೆ ಮರಿಯ ಮೃತದೇಹ ಕೊಳೆತ ಸ್ಥಿತಿಯಲ್ಲಿ ಪತ್ತೆಯಾಗಿದೆ.

ಸ್ಥಳಕ್ಕೆ ವನ್ಯಜೀವಿ ವಿಭಾಗದ ಅಧಿಕಾರಿಗಳು ಭೇಟಿ ನೀಡಿ ಪರಿಶೀಲಿಸಿದ್ದು ಆನೆಯ ಸಾವಿಗೆ ನಿಖರ ಕಾರಣ ತಿಳಿದು ಬಂದಿಲ್ಲ.

ಶನಿವಾರ ಮೃತ ಆನೆಯ ಮರಣೋತ್ತರ ಪರೀಕ್ಷೆ ನಡೆಸಲಾಗುವುದು ಎಂದು ಅರಣ್ಯ ಇಲಾಖೆ ಅಧಿಕಾರಿಗಳು ತಿಳಿಸಿದ್ದಾರೆ. ಆನೆ ಮರಿಯ ಅಂದಾಜು ವಯಸ್ಸು 3- 4 ವರ್ಷ ಎನ್ನಲಾಗಿದೆ.