ಗ್ರಾ. ಪಂ. ಚುನಾವಣೆ: ಗೋವಾ ಸರ್ಕಾರದ ಅರ್ಜಿ ತಿರಸ್ಕರಿಸಿದ ಸುಪ್ರಿಂ

ಪಣಜಿ: ಗ್ರಾಮ ಪಂಚಾಯತ್ ಚುನಾವಣೆಗೆ ಸಂಬಂಧಿಸಿದಂತೆ ಮುಂಬಯಿ ಉಚ್ಛ ನ್ಯಾಯಾಲಯದ ತೀರ್ಪನ್ನು ಪ್ರಶ್ನಿಸಿ ಗೋವಾ ರಾಜ್ಯ ಸರ್ಕಾರ ಸಲ್ಲಿಸಿದ್ದ ಅರ್ಜಿಯನ್ನು ಸುಪ್ರಿಂ ಕೋರ್ಟ್ ತಿರಸ್ಕರಿಸಿದೆ. ಇದರಿಂದಾಗಿ ಪಂಚಾಯತ್ ಚುನಾವಣೆ ನಿಗದಿಯಂತೆಯೇ ಆಗಸ್ಟ್ 10 ರಂದು ನಡೆಯಲಿದೆ.

ಮುಂಬಯಿ ಉಚ್ಛ ಬ್ಯಾಯಾಲಯದ ಗೋವಾ ಪೀಠವು ಆಗಸ್ಟ್ 12 ಕ್ಕೂ ಮುನ್ನ ಗೋವಾದಲ್ಲಿ ಪಂಚಾಯತ ಚುನಾವಣೆಯನ್ನು ನಡೆಸುವಂತೆ ಗೋವಾ ರಾಜ್ಯ ಸರ್ಕಾರಕ್ಕೆ ಸೂಚಿಸಿತ್ತು. ಈ ತೀರ್ಪನ್ನು ಪ್ರಶ್ನಿಸಿ ಹಾಗೂ ಪಂಚಾಯತ ಚುನಾವಣೆಯನ್ನು ಮುಂದೂಡುವಂತೆ ಗೋವಾ ಸರ್ಕಾರ ಸುಪ್ರಿಂ ಕೋರ್ಟ ಮೆಟ್ಟಿಲೇರಿತ್ತು.

ಇದೀಗ ಸುಪ್ರಿಂ ಕೋರ್ಟ್ ಗೋವಾ ಸರ್ಕಾರದ ಅರ್ಜಿಯನ್ನು ತಿರಸ್ಕರಿಸಿರುವುದರಿಂದ ನಿಗದಿಯಂತೆಯೇ ಚುನಾವಣೆ ನಡೆಯಲಿದ್ದು ಆಗಸ್ಟ್ 12 ರಂದು ಮತ ಎಣಿಕೆ ನಡೆಯಲಿದೆ.