ಮಲ್ಯ 100 ಕೋಟಿ ರೂ. ಫಾರ್ಮ್ ಹೌಸ್‌ ಜಪ್ತಿ

ಹೊಸದಿಲ್ಲಿ:  ಹಣಕಾಸು ಅವ್ಯವಹಾರದ ತನಿಖೆ ಎದುರಿಸುತ್ತಿರುವ ಮದ್ಯ ದೊರೆ ವಿಜಯ್‌ ಮಲ್ಯ ಅವರಿಗೆ ಸೇರಿರುವ ಮಧ್ಯಪ್ರದೇಶದಲ್ಲಿರುವ 100 ಕೋಟಿ ರೂ. ಮೌಲ್ಯದ ಫಾರ್ಮ್ ಹೌಸ್‌ ಅನ್ನು ಜಾರಿ ನಿರ್ದೇಶನಾಲಯ (ಇಡಿ) ಗುರುವಾರ ಮುಟ್ಟುಗೋಲು ಹಾಕಿಕೊಂಡಿದೆ.

ಆಲಿಬಾಗ್‌ನ ಸಮುದ್ರ ತೀರದ ಬಳಿ ಇರುವ ಈ ಫಾರ್ಮ್ ಹೌಸ್‌ 17 ಎಕರೆ ವಿಸ್ತೀರ್ಣ ಹೊಂದಿದೆ. ಆಸ್ತಿ ಮಾಲಕ ಮಲ್ಯರಿಗೆ ಕೇಸಿನಲ್ಲಿ ಬಿಡುಗಡೆ ಸಿಗದ ಕಾರಣ ಕಳೆದ ಎಪ್ರಿಲ್‌ನಲ್ಲಿ ಆ ಬಂಗಲೆಯಲ್ಲಿ ವಾಸವಿದ್ದವರಿಗೆ ಬಂಗಲೆ ಖಾಲಿ ಮಾಡುವಂತೆ ಆದೇಶ ನೀಡಲಾಗಿತ್ತು. ಸದ್ಯ ಇಡಿಯ ಮುಂಬಯಿಯ ವಲಯ ಕಚೇರಿ ಅಧಿಕಾರಿಗಳು ಫಾರ್ಮಹೌಸ್‌ ಮೇಲೆ ಅಧಿಕೃತ ಸ್ವಾಧೀನ ಆದೇಶವನ್ನು ಲಗತ್ತಿಸಿದ್ದಾರೆ.