Advertisement

ಒಂದು ಕೋಟಿ ಡುಪ್ಲಿಕೇಟ್‌ ಎಂಟ್ರಿ ಡಿಲೀಟ್‌: ಸಮಗ್ರ ಡಿಜಿಟಲ್‌ ದತ್ತಾಂಶ ರೂಪಿಸಲು ಕ್ರಮ

07:08 PM Aug 08, 2022 | Team Udayavani |

ನವದೆಹಲಿ: ಮತದಾರರ ಪಟ್ಟಿಯಲ್ಲಿ ಎರಡೆರಡು ಕಡೆ ನೋಂದಣಿಯಾಗಿರುವ ಮತದಾರರ ಹೆಸರನ್ನು ಅಳಿಸುವ ಪ್ರಕ್ರಿಯೆಗೆ ಚುನಾವಣಾ ಆಯೋಗ ವೇಗ ನೀಡಿದ್ದು, ಕಳೆದ 7 ತಿಂಗಳಲ್ಲಿ ಸುಮಾರು ಒಂದು ಕೋಟಿ ಡುಪ್ಲಿಕೇಟ್‌ ಎಂಟ್ರಿಗಳನ್ನು ಡಿಲೀಟ್‌ ಮಾಡಿದೆ.

Advertisement

ಒಬ್ಬರದೇ ಹೆಸರು ಅಥವಾ ಫೋಟೋ ಬೇರೆ ಬೇರೆ ಕಡೆ ಎಂಟ್ರಿಯಾಗಿದ್ದರೆ, ಅಂತಹ ಹೆಚ್ಚುವರಿ ನೋಂದಣಿಗಳನ್ನು ತೆಗೆದುಹಾಕಲಾಗಿದೆ. ಮತದಾರರ ಸಮಗ್ರ ಡಿಜಿಟಲ್‌ ದತ್ತಾಂಶವನ್ನು ಆಯೋಗವು ರೂಪಿಸುತ್ತಿದ್ದು, ಈ ಹಿನ್ನೆಲೆಯಲ್ಲಿ ಡುಪ್ಲಿಕೇಟ್‌ ಎಂಟ್ರಿಗಳನ್ನು ಅಳಿಸುವತ್ತ ಹೆಚ್ಚಿನ ಗಮನ ನೀಡಿದೆ ಎಂದು ಮೂಲಗಳು ತಿಳಿಸಿವೆ.

ಜನಸಂಖ್ಯಾಧಾರಿತವಾಗಿ 11,91,191 ಡುಪ್ಲಿಕೇಟ್‌ ಎಂಟ್ರಿಗಳನ್ನು ಆಯೋಗವು ಪತ್ತೆಹಚ್ಚಿದ್ದು, ಈ ಪೈಕಿ 9,27,853 ಅನ್ನು ಡಿಲೀಟ್‌ ಮಾಡಲಾಗಿದೆ. ಒಂದೇ ರೀತಿಯ ಫೋಟೋಗಳನ್ನು ಹೊಂದಿರುವ 3.19 ಕೋಟಿ ನೋಂದಣಿಗಳು ಪತ್ತೆಯಾಗಿದ್ದು, ಆ ಪೈಕಿ 98 ಲಕ್ಷ ಎಂಟ್ರಿಗಳನ್ನು ಅಳಿಸಿಹಾಕಲಾಗಿದೆ.

ಇದನ್ನೂ ಓದಿ:ನೀರಿನ ಬಾಟಲ್‌ ಖರೀದಿ ವಿಚಾರಕ್ಕೆ ಜಗಳವಾಡಿದ್ದಕ್ಕೆ ರೈಲಿಂದಲೇ ಹೊರಕ್ಕೆಸೆದರು

ಆಯಾ ರಾಜ್ಯಗಳ ಮುಖ್ಯ ಚುನಾವಣಾ ಅಧಿಕಾರಿಗಳು ಈ ಪ್ರಕ್ರಿಯೆಯನ್ನು ನಡೆಸಿದ್ದಾರೆ. ಬೂತ್‌ ಮಟ್ಟದಲ್ಲೇ ಈ ಕುರಿತ ಪರಿಶೀಲನೆಗಳನ್ನು ನಡೆಸಿ, ಹೆಚ್ಚುವರಿ ನೋಂದಣಿಗಳನ್ನು ಅಳಿಸಿ ಹಾಕಲಾಗಿದೆಯೇ ವಿನಾ ನೇರವಾಗಿ ಮುಖ್ಯ ಚುನಾವಣಾ ಆಯೋಗ ಯಾವುದೇ ಎಂಟ್ರಿಗಳನ್ನು ಡಿಲೀಟ್‌ ಮಾಡಿಲ್ಲ ಎಂದೂ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

Advertisement

ಪ್ರೊಪೋಸಲ್‏ಗೆ ನಿರೀಕ್ಷಿಸುತ್ತಿದ್ದೀರಾ? ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Advertisement

Udayavani is now on Telegram. Click here to join our channel and stay updated with the latest news.

Next