ಇಚ್ಲಂಪಾಡಿ: ಶಾರ್ಟ್‌ ಸರ್ಕ್ನೂಟ್‌ 2 ಮನೆಗಳಿಗೆ ಹಾನಿ

ಕಲ್ಲುಗುಡ್ಡೆ: ವಿದ್ಯುತ್‌ ಶಾರ್ಟ್‌ ಸರ್ಕ್ನೂಟ್‌ನಿಂದ 2 ಮನೆಗಳು ಹಾನಿಗೊಂಡಿರುವ ಘಟನೆ ಇಚ್ಲಂಪಾಡಿ ಗ್ರಾಮದಲ್ಲಿ ಬುಧವಾರ ಸಂಜೆ ನಡೆದಿದೆ. ಇಚ್ಲಂಪಾಡಿ ಗ್ರಾಮದ ಮಡಿಪು ನಿವಾಸಿ ಜೋನ್‌ ಅಬ್ರಹಾಂ ಹಾಗೂ ಕೆರ್ನಡ್ಕ ನಿವಾಸಿ ಮಾಥು ಎಂಬವರ ಮನೆಯಲ್ಲಿ ಈ ಘಟನೆ ನಡೆದಿದ್ದು ಎರಡೂ ಮನೆಯವರಿಗೂ ಲಕ್ಷಾಂತರ ರೂ. ನಷ್ಟ ಸಂಭವಿಸಿದೆ ಎಂದು ವರದಿಯಾಗಿದೆ.

ಮಧ್ಯಾಹ್ನ ಸುಮಾರು 3 ಗಂಟೆ ವೇಳೆಗೆ ಮಡಿಪು ನಿವಾಸಿ ಜಾನ್‌ ಅಬ್ರಹಾಂ ಎಂಬವರ ಹಂಚಿನ ಮನೆಯಲ್ಲಿ ಶಾರ್ಟ್‌ ಸರ್ಕ್ನೂಟ್‌ ಸಂಭವಿಸಿದ್ದು ಅಡುಗೆ ಕೋಣೆ ಸಂಪೂರ್ಣ ಬೆಂಕಿಗಾಹುತಿಯಾಗಿದೆ. ಇಲ್ಲಿದ್ದ ಫ್ರಿಡ್ಜ್, ಗ್ರೈಂಡರ್‌ ಸೇರಿದಂತೆ ಬೆಲೆ ಬಾಳುವ ವಸ್ತುಗಳು ಬೆಂಕಿಗಾಹುತಿಯಾಗಿವೆ. ಮನೆಯ ಪಕ್ಕಾಸು, ಹಂಚು ಸಹ ಬೆಂಕಿಗಾಹುತಿಯಾಗಿದ್ದು ಲಕ್ಷಾಂತರ ರೂ. ನಷ್ಟ ಸಂಭವಿಸಿದೆ. ಸಂಜೆ 6 ಗಂಟೆ ವೇಳೆಗೆ ಕೆರ್ನಡ್ಕ ನಿವಾಸಿ ಮಾಥು ಎಂಬವರ ಮನೆಯಲ್ಲಿಯೂ ಶಾರ್ಟ್‌ ಸರ್ಕ್ನೂಟ್‌ ಸಂಭವಿಸಿ ಎಲೆಕ್ಟ್ರಾನಿಕ್‌ ಉಪಕರಣಗಳು ಸುಟ್ಟುಹೋಗಿವೆ. ಮಿಕ್ಸಿ, ಫ್ರಿಡ್ಜ್, ರಬ್ಬರ್‌ಶಿಟ್‌, ಮನೆಯ ಹಂಚು, ಪಕ್ಕಾಸು ಬೆಂಕಿಗಾಹುತಿಯಾಗಿದ್ದು ಲಕ್ಷಾಂತರ ರೂ.ನಷ್ಟ ಸಂಭವಿಸಿದೆ ಎಂದು ವರದಿಯಾಗಿದೆ. ಘಟನೆಯ ವೇಳೆ ಎರಡೂ ಮನೆಯವರು ಮನೆಯಲ್ಲಿದ್ದು ಅಪಾಯದಿಂದ ಪಾರಾಗಿದ್ದಾರೆ. ಸ್ಥಳೀಯರು ಸೇರಿಕೊಂಡು ಬೆಂಕಿನಂದಿಸಿದ್ದಾರೆ. ಘಟನಾ ಸ್ಥಳಕ್ಕೆ ತಾ.ಪಂ.ಸದಸ್ಯೆ ಕೆ.ಟಿ.ವಲ್ಸಮ್ಮ, ಕೌಕ್ರಾಡಿ ಗ್ರಾ.ಪಂ.ಪಿಡಿಒ ಮಹೇಶ್‌, ಗ್ರಾಮ ಸಹಾಯಕ ಅನಿಲ್‌, ಕೌಕ್ರಾಡಿ ಗ್ರಾ.ಪಂ.ಸದಸ್ಯ ಮಾಧವ, ವಾಣಿ, ಚರ್ಚ್‌ನ ರೆ.ಫಾ.ಸುನಿಲ್‌ ಹಾಗೂ ಸ್ಥಳೀಯರು ಭೇಟಿ ನೀಡಿದರು.