Tamilnadu ಗಿರಿಧಾಮ ಪ್ರವೇಶಕ್ಕೆ ಇಂದಿನಿಂದ ಇ-ಪಾಸ್‌ ಕಡ್ಡಾಯ

ಚೆನ್ನೈ: ಪ್ರಸಿದ್ಧ ಗಿರಿಧಾಮಗಳಾಗಿರುವ ಕೊಡೈಕೆ ನಾಲ್‌, ನೀಲಗಿರಿಗೆ ಹೋಗಬೇಕೆಂದರೆ ಮಂಗಳವಾರದಿಂದ ಪ್ರವಾಸಿಗರು ಕಡ್ಡಾಯವಾಗಿ ಇ-ಪಾಸ್‌ ಪಡೆಯಬೇಕು. ಪ್ರತೀ ದಿನ ಎಷ್ಟು ಪ್ರವಾಸಿಗರ ವಾಹನಗಳು ಆಗಮಿಸುತ್ತವೆ ಎಂಬ ಬಗ್ಗೆ ನಿಗಾ ಇರಿಸಲು ಮದ್ರಾಸ್‌ ಹೈಕೋರ್ಟ್‌ ಆದೇಶಿಸಿದ ಕಾರಣ ತಮಿಳುನಾಡು ಸರಕಾರ ಈ ಕ್ರಮ ಕೈಗೊಂಡಿದೆ. ಪ್ರವಾಸಿಗರು, ವಾಣಿಜ್ಯ ವಾಹನಗಳಿಗೆ ಇ-ಪಾಸ್‌ ಕಡ್ಡಾಯ ಎಂದು ನೀಲಗಿರಿ, ದಿಂಡಿಗಲ್‌ ಜಿಲ್ಲಾಡಳಿತಗಳು ಪ್ರಕಟಿ ಸಿವೆ. ಪ್ರವಾಸಿಗರು https://epass.tnega.org/ ವೆಬ್‌ಸೈಟ್‌ ಮೂಲಕ ಇ-ಪಾಸ್‌ ಪಡೆ ಯಲು ಅವಕಾಶ ಕಲ್ಪಿಸಲಾಗಿದೆ. ಸಾರ್ವಜನಿಕ ಸಾರಿಗೆಗಳಲ್ಲಿ ಬರುವವರು ಪಾಸ್‌ ಪಡೆಯಬೇ ಕಾಗಿಲ್ಲ ಎಂದು ಜಿಲ್ಲಾಡಳಿತಗಳು ಸ್ಪಷ್ಟಪಡಿಸಿವೆ.