Duniya Vijay: ಬರ್ತ್‌ಡೇಗೆ ನನ್ನ ಕಟೌಟ್‌, ಬ್ಯಾನರ್‌ ಹಾಕಬೇಡಿ..

ಜನವರಿ 20 ದುನಿಯಾ ವಿಜಯ್‌ ಹುಟ್ಟುಹಬ್ಬ. ಪ್ರತಿ ವರ್ಷವೂ ದೂರದ ಊರುಗಳಿಂದ ಅಭಿಮಾನಿಗಳು ತಮ್ಮ ನೆಚ್ಚಿನ ನಟನನ್ನು ನೋಡಲು ಬರುತ್ತಾರೆ. ಕಟೌಟ್‌, ಹಾಲಿನ ಅಭಿಷೇಕ ಮಾಡಿ ಅಭಿಮಾನ ಮೆರೆಯುತ್ತಾರೆ. ಆದರೆ, ವಿಜಯ್‌ ಈ ಬಾರಿ ಅಭಿಮಾನಿಗಳಲ್ಲಿ ಮನವಿ ಮಾಡಿದ್ದಾರೆ.

“ಯಾರೂ ಕೂಡಾ ನನ್ನ ಹುಟ್ಟುಹಬ್ಬ ದಿನ ಕಟೌಟ್‌, ಬ್ಯಾನರ್‌ ಹಾಕಬೇಡಿ. ಕಟೌಟ್‌ಗೆ ಹಾಲಿನ ಅಭಿಷೇಕವನ್ನು ಮಾಡಬೇಡಿ. ಅದರ ಬದಲು ಸಿನಿಮಾ ಬಿಡುಗಡೆ ಯಾದಾಗ ಬಂದು ನೋಡಿ ಪ್ರೋತ್ಸಾಹಿಸಿ’ ಎಂದಿರುವ ವಿಜಯ್‌, “ದೂರದ ಊರುಗಳಿಂದ ಅಭಿಮಾನಿಗಳು ನಡೆದುಕೊಂಡು ಬರಬೇಡಿ. ಜೊತೆಗೆ ಜ.19ರ ರಾತ್ರಿ ಬರುವ ಬದಲು ಜ.20ರ ಬೆಳಗ್ಗೆಯೇ ಬನ್ನಿ. ಒಟ್ಟಿಗೆ ಕುಳಿತು ಊಟ ಮಾಡೋಣ’ ಎಂದು ಮನವಿ ಮಾಡಿದ್ದಾರೆ.

ಸದ್ಯ ದುನಿಯಾ ವಿಜಯ್‌ ನಿರ್ದೇಶನ, ನಟನೆಯ “ಭೀಮ’ ಚಿತ್ರ ಬಿಡುಗಡೆಯ ಹಂತಕ್ಕೆ ಬಂದಿದೆ.