Drone: ಪುರಿ ದೇಗುಲದ ಮೇಲೆ ಡ್ರೋನ್‌ ಹಾರಾಟ: ಪೊಲೀಸರಿಂದ ತನಿಖೆ

ಭುವನೇಶ್ವರ: ಒಡಿಶಾದ ವಿಶ್ವ ವಿಖ್ಯಾತ ಪುರಿ ದೇಗು ಲದ ಮೇಲ್ಭಾಗದಲ್ಲಿ ರವಿವಾರ ಮುಂಜಾನೆ ಡ್ರೋನ್‌ ಹಾರಾಟ ಕಂಡು ಬಂದಿದೆ. ಇದೀಗ ದೇವಾಲಯದ ಭದ್ರತೆ ಕುರಿತ ಆತಂಕಕ್ಕೆ ಕಾರಣವಾಗಿದ್ದು, ತನಿಖೆ ಆರಂಭಿಸಿರುವುದಾಗಿ ಪೊಲೀಸರು ಹೇಳಿದ್ದಾರೆ.

ದೇವಾಲಯದ ಸುತ್ತಮುತ್ತಲಿನ ಪ್ರದೇಶದಲ್ಲಿ ಡ್ರೋನ್‌ ಹಾರಾಟಕ್ಕೆ ನಿರ್ಬಂಧವಿದ್ದರೂ ಬೆಳಗ್ಗೆ 4.10ರ ಸುಮಾರಿಗೆ ಡ್ರೋನ್‌ ಕಾಣಿಸಿಕೊಂಡಿದೆ. ಅರ್ಧ ಗಂಟೆ ಹಾರಾಟ ನಡೆಸಿದೆ.

ಯುಟ್ಯೂಬರ್‌ಗಳು ಈ ಕೃತ್ಯ ಎಸಗಿರುವ ಸಾಧ್ಯತೆ ಇದೆ. ಹೀಗಾಗಿ ತನಿಖೆಗೆ ವಿವಿಧ ತಂಡಗಳನ್ನು ರಚಿಸ ಲಾ ಗಿದೆ ಎಂದು ಪೊಲೀಸರು ಹೇಳಿದ್ದಾರೆ. ಕಾನೂನು ಸಚಿವ ಪೃಥ್ವಿ­ರಾಜ್‌ ಹರಿ ಚಂದನ್‌ ಕೂಡ ಪ್ರತಿಕ್ರಿಯಿಸಿ, ದೇಗುಲದ ಸುತ್ತಲಿನ 4 ಟವರ್‌ನಲ್ಲಿ 24 ಗಂಟೆಗಳ ಕಾಲ ಭದ್ರತಾ ಸಿಬಂದಿ ನಿಯೋಜಿಸಲಾಗುತ್ತದೆ ಎಂದಿದ್ದಾರೆ.